ހެންވޭރުގައި ހުންނަ މީރުމާ ހޮޓެލްއިން ވައްކަން ކުރަން އުޅުނު މީހަކު ވައިގޮޅޮއަށް ވެއްޓި އަނިޔާވެގެން ހޮސްޕިޓަލުގައި ފަރުވާ ދެމުންދާ ކަމަށް ފުލުހުން ބުނެފިއެވެ.

ފުލުހުން މިއަދު ބުނީ، ރޭ ދަންވަރު 2:55 ހާއިރު މާލޭގައި ހުންނަ ގެސްޓުހައުސްއެއްގެ ވައިގޮޅީގެ ތެރެއަށް މީހަކު ވެއްޓިގެން ފުލުހުން ހަރަކާތްތެރިވެފައިވާ ކަމަށާއި އެ މީހާއަށް ފަރުވާ ދިނުމަށް ހޮސްޕިޓަލަށް ގެންގޮސްފައިވާ ކަމަށެވެ. އެއީ ދިވެހި ފިރިހެނެއްކަމަށްވެސް ބުންޏެވެ.

"ކުރިއަށް" މައުލޫމާތު ލިބިފައިވާގޮތުގައި ވެއްޓިގެން އަނިޔާލިބުނު ފިރިހެންމީހާގެ ބޮލަށް ވަނީ ގެއްލުންތަކެއް ލިބިފައެވެ. އަދި ވެއްޓުނު ސަރަހައްދުގައި ގިނަ އަދަދަކަށް ލޭ ހުރިކަމަށްވެސް މައުލޫމާތު ލިބިފައިވެއެވެ.

މި ހާދިސާގައި ވައިގޮޅިއަށް ވެއްޓި އަނިޔާވި ދިވެހި ފިރިހެން މީހާގެ ހާލު ބެލުމަށް އައިޖީއެމްއެޗަށް ގުޅުމުން ފޯނަށް ޖަވާބުދެއްވާފައިނުވާތީ އެކަމުގެ ތަފްސީލެއް ވަނީ ލިބޭ ގޮތް ނުވެފައެވެ.