މާލޭގައި މީހަކު ރަހީނުކޮށް، އެ މީހާއަށް އަނިޔާކޮށް، ބިރުދެއްކި މައްސަލައި ހަތަރު މީހަކު ހައްޔަރުކޮށްފިއެވެ.، 

ފުލުހުން މިއަދު ބުނީ، ގަލޮޅުގައި ހުންނަ  ގެއެއްގެ ވެރި ފަރާތަށް ބިރުދައްކައި، އިންޒާރު ދީފައިވާ މައްސަލައެއްގެ ރިޕޯޓް ރޭގެ ވަގުތެއްގައި ލިބިފައިވާ ކަމަށެވެ. ފުލުހުން ބުނީ، ރޭ ދަންވަރު 12:45 ހާއިރު، އެ މީހުން އެ ގެއަށް ވަދެ، ގެއްލުން ދީފައިވާއިރު އެ މީހުން ކުށުގެ ވެށިން ހައްޔަރު ކޮށްފައިވާ ކަމަށެވެ.

މި މައްސަލައިގައި ހައްޔަރުކުރި މީހުން:

• ތ. ގުރައިދޫ/ ފަޒާ، އަލީ ނަވާފު (21އ)
• ނ. މަނަދޫ/ ހަވޭލީ، މުހައްމަދު އަޒާން (23އ)
• ނ. ވެލިދޫ/ އެލަސް، އިބްރާހިމް އަހުނަފު (21އ)
• އއ. މާޅޮސް/ ރީތިހިޔާ، މުހައްމަދު އަފްލާހު (23އ)

އެ މީހުންގެ ބަންދަށް މިއަދު ވަނީ 15 ދުވަސް ޖަހައިފައެވެ. 

ސޯޝަލް މީޑިއާގައި ދަނީ އެ ގޭގެ ވެރިމީހާއަށް އަނިޔާކުރާ މަންޒަރު ފެންނަ ވީޑިއޯއެއް ދައުރުވަމުންނެވެ. އެ ވީޑިއޯއިން ފެންނަ ގޮތުގައި، އެ މީހާގެ އަނގައިގައި ޓޭޕު އަޅައި، ގައިގައި ސިނގިރޭޓް ޖައްސައެެވެ. އަދި އެކި ވަރުގެ އަނިޔާ އެ މީހާއަށް ކުރާ މަންޒަރު ފެނެއެވެ.