އިދިކޮޅު އެމްޑީޕީން ނުހޮވޭނެތީ އަމިއްލަ ގޮތުން މިހާރު އެ ޕާޓީން ކެންޑިޑޭޓުން ނެރެން ވިސްނަމުންދާ ކަމަށް ވެރިކަންކުރާ ޕީއެންސީގެ ޕާލިމެންޓްރީ ގްރޫޕްގެ ލީޑަރު އިބްރާހިމް ފަލާހް ވިދާޅުވެއްޖެ އެވެ. 

އެމްއެމްޓީވީގެ ޕްރޮގްރާމެއްގައި ވާހަކަ ދައްކަވަމުން ފަލާހް ވިދާޅުވީ ލޯކަލް ކައުންސިލްތަކުގެ މެޖޯރިޓީއާއި ރައްޔިތުންގެ މަޖިލީހުގެ މެޖޯރިޓީއާއެކު އެމްޑީޕީގެ ސަރުކާރު އޮވެމެ ނަތީޖާއެއް ނުނެރެވުނު ކަމަށެވެ. 

އެހެންކަމުން ރައްޔިތުންގެ ތާއީދު އެ ޕާޓީގެ ޓިކެޓްގައި ނުކުމެގެން ނުލިބޭނޭ ކަން އެނގޭތީވެ އެ ގޮތަށް ނުކުންނަން އެ ޕާޓީގެ އިސް މެންބަރުން ވެސް ފަސްޖެހެމުންދާ ކަމަށް ފަލާހް ވިދާޅުވި އެވެ.

"އެހެންވެ އަމިއްލަ ގޮތުން ވާދަކުރަން އެ ޕާޓީގެ ބައެއް މެންބަރުން ބޭނުންވާތީވެ އެ ގޮތަށް ކެންޑިޑޭޓުން ނެރެން މަސައްކަތްކުރަމުންދާ ކަމަށް މައުލޫމާތު ލިބޭ," ފަލާހް ވިދާޅުވި އެވެ.