މަތިވެރީގައި 2020 ވަނަ އަހަރުން ފެށިގެން ބާއްވަމުން އަންނަ މަތިވެރި ފުޓްސަލް ލީގު މިއަހަރުވެސް ބޭއްވުމަށް ވަނީ ނިންމާފައެވެ. ލީގުގެ ފަރާތުން މަޢުލޫމާތު ދެއްވަމުން ހިންގާ ކޮމިޓީގެ މެމްބަރު ޢިމާދު މުޙައްމަދު ދެންނެވީ، މިއަހަރުގެ ފުޓްސަލް ލީގުގެ ޓައިޓަލް ސްޕޮންސަރއަކަށް އިރުބެ ވަނީ ހަމަޖެހިފައި ކަމަށެވެ. އއ.މަތިވެރި އުޑުވިލާގެ އިރުފާން ޢަލީ އާއެކު އެއްބަސްވުމުގައި ސޮއި ކުރެވިފައިވަނީ 07 މެއި 2025 ދުވަހު (މިއަދު) އެވެ. އިރުބެއަކީ އއ.މަތިވެރީގައި ވިޔަފާރިކުރަމުން އަންނަ ފަރާތެކެވެ.

އިރުބެގެ ވިޔަފާރި ތަކުގެ ތެރޭގައި އިރުބެ ކެފޭ ރެސްޓޯރަންޓް، އިރުބެ އެކަޑެމީ، އިރުބެ އެކްސްޕްރެސް އަދި އިރުބެ ކޮންސްޓްރަކްޝަން ހިމެނެއެވެ. އިރުބެއަކީ ރަށުގެ ތަރައްޤީއަށާއި ކުޅިވަރާއި އިޖްތިމާޢީ ގިނަ ޙަރަކާތްތަކުގައި އާއްމުކޮށް އެހީތެރިކަން ފޯރުކޮށްދެއްވާ ފަރާތެއްކަމަށް މަޢުލޫމާތު ދެއްވިއެވެ.

"އިރުބެ މަތިވެރި ފުޓްސަލް ލީގު 2025 ފެށުމަށް ހަމަޖެހިފައިވަނީ ޖުލައި މަހުގައި، ފަށާނެ ދުވަސް ވަރަށް އަވަސް މުސްތަޤުބަލެއްގައި ފައިނަލް ކުރާނަން، އަދި މިހާރުވެސް މިދަނީ އެކަމުގެ މަޝްވަރާތައް ކުރަމުން، ކުރިޔަށް މިއޮތް ދުވަސްތަކުގައި ލީގުގެ އިތުރު ސްޕޮންސަރތައްވެސް އިޢުލާން ކުރަމުން ގެންދާނަން" އިމާދު މުޙައްމަދު ދެންނެވިއެވެ.