އެމްޑީޕީގެ އެކްޓިވިސްޓު، މަރިޔަމް ޒުބައިރު (މަންދީ) ގެ ގަޔަށް ކަޅުތެޔޮ ޖެހި މައްސަލައިގައި މީހަކު ހައްޔަރުކޮށްފި އެވެ.

މަންދީ ގަޔަށް ކަޅު ތެޔޮ ޖެހީ މި މަހު 17 ވަނަ ދުވަހުގެ ރޭ ބޭއްވި އެމްޑީޕީގެ ސިލްސިލާ މުޒާހަރާގައި ބައިވެރިވުމަށް ފަހު، އެހެން މީހަކާއެކު ސައިކަލުގައި ގެއަށް ދިޔަ މަގުމަތީގަ އެވެ.

އެ މައްސަލައިގައި ހައްޔަރުކޮށްފައިވަނީ ގއ. ދާންދޫ، ސަންލައިޓްވިލާ، އަހްމަދު ރިޝްމާހް, (20އ) އެވެ.

އޭނާގެ ބަންދަށް ކްރިމިނަލް ކޯޓުން ވަނީ 15 ދުވަސް ޖަހައިފައެވެ.

ކްރިމިނަލް ކޯޓުގެ ބަންދު އަމުރުން އެނގޭ ގޮތުގައި ރިޝްމާހަކީ، މަންދީގެ ގަޔަށް ކަޅުތެޔޮ ޖެހި މީހުން ތިބި ސައިކަލު ދުއްވި ކަމަށް ތުހުމަތު ކުރެވޭ މީހާ އެވެ.

ބަންދު އަމުރުން އެނގޭ ގޮތުގައި ރިޝްމާހް ވަނީ މަންޒީ ގަޔަށް ކަޅުތެޔޮ ޖެހި މީހާގެ މައުލޫމާތު ފުލުހުންނާ ހިއްސާކޮށްފައެވެ. 

މަންދީގެ ގަޔަށް ބަޔަކު ކަޅުޔެތޮ ޖެހިއިރު ރައީސް ޑރ. މުހައްމަދު މުއިއްޒުގެ ދަރިކަލަކަށް ނިސްބަތްކޮށް ވާހަކަ ދެއްކި މައްސަލާގައި މަންދީގެ މައްޗަށް އެ މަނިކުފާނުގެ އާއިލާ އިން ވަނީ ދައުވާ ކޮށްފަ އެވެ.