މާލެއިން މީހަކު ގެއްލިގެން ހޯދަން ފަށައިފިއެވެ.

ފުލުހުން މިއަދު ބުނީ ނ. މަނަދޫ، ރީހުއްސަބާ/ އަބްދުﷲ ޝިހާދު، (37)، މިދިޔަ ހޮނިހިރު ދުވަހުގެ 4:51 އިން ފެށިގެން އާއިލާއަށް ހަބަރުނުވެ ގެއްލިފައިވާ ކަމަށް އިއްޔެ ރޭ 8:05 ހާއިރު އެ ސާވިސްއަށް ރިޕޯޓްކުރުމާ ގުޅިގެން އޭނާ ހޯދުމުގެ މަސައްކަތް ކުރަމުން އަންނަ ކަމަށެވެ.

ޝިހާދު ދިރިއުޅެނީ މާލޭގައި ކަމަށާއި އޭނާގެ ފޯނަށްވެސް ނުގުޅޭ ކަމަށް އާއިލާއާ ހަވާލާދީ ފުލުހުން ބުންޏެވެ. 

 ފުލުހުން ބުނީ، ޝިހާދުގެ އެއްވެސް މައުލޫމާތެއް ލިބިއްޖެ ނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ގަލޮޅު ޕޮލިސް ސްޓޭޝަން ނަންބަރު 9631696 އަށް ގުޅައި ހިއްސާކުރުމަށް އެދޭ ކަމަށެވެ.