މާލޭގައި މީދާ ގިނަވެ، މީދާ މަރަން މާލެ ސިޓީ ކައުންސިލުން ނުކުމެއްޖެ އެވެ. 

މިއަދު މާލޭގެ މާރުކޭޓު ސަރަހައްދުގައި ބޭއްވި ރަސްމިއްޔާތެއްގައި މީދާ ބޭސް ބަހައްޓައިގެން އެ ހަރަކާތް ފައްޓަވައިދެއްވީ މާލޭގެ މޭޔަރު އާދަމް އާޒިމެވެ. 

އެ ރަސްމިއްޔާތުގައި އާޒިމް ވިދާޅުވީ މިއަދު ހަރަކާތް ގެންދާނީ މާރުކޭޓު ސަރަހައްދުގައި ކަމަށެވެ. ކުރިއަށް އޮތް ދުވަސްތަކުގައި މާލޭގެ އެކި ސަރަހައްދުތަކުގައި އެ ހަރަކާތް ހިންގާނެ ކަމަށް މޭޔަރު ވިދާޅުވި އެވެ. 

މީދާ ނެގުމުގެ މަސައްކަތް ގެންދަނީ ސިޓީ ކައުންސިލްގެ ހެލްތު ޕޮލިސީ ތެރެއިން ކުރާ ކަމެކެވެ.

މީދާ މަރަން ބޭސް ހިފައިގެން ތަންތަނަށް ދިއުމާއި، ބޭސް ޖެހުމާއި، މީދާ މަރާފައި ނެގުމުގައި ވެސް އުޅޭނީ ކައުންސިލްގެ މުވައްޒަފުންނެވެ.