މާލޭގެ ގެއެއްގައި އަންހެނަކު ގަދަކަމުން ހިފަހައްޓައި، އެ އަންހެން މީހާ އަށް އަނިޔާކުރި ކަމުގެ ތުހުމަތުގައި ޒުވާނަކު ހައްޔަރުކޮށްފި އެވެ.

ފުލުހުން ބުނެފައިވާ ގޮތުން މާފަންނުގައި ހުރި ގެއެއްގެ ތެރޭގައި 18 އަހަރުގެ އަންހެނަކު، ހުއްދަ ނޫން ގޮތުގައި ގަދަކަމުން ހިފަހައްޓައި ޖިސްމާނީ އަނިޔާކޮށްފައިވާ ކަމަށް ތުހުމަތުކުރެވޭ މައްސަލައެއް މިދިޔަ އަންގާރަ ދުވަހު ލިބިފައިވެ އެވެ. 

އެ މައްސަލައިގެ އަޕްޑޭޓް ހިއްސާކުރަމުން ފުލުހުން ބުނީ އެ މައްސަލާގައު ޒުވާނަކު ހައްޔަރުކޮށްފައިވާ ކަމަށެވެ.

އެއީ، އުމުރުން އަހުމަދު އާހިލް މުނާޒު (19އ) ހ. ފޯސީޒަން، ކ. މާލެ އެވެ.

ފުލުހުން ބުނީ، އޭނާގެ ބަންދާ މެދު ގޮތެއް ނިންމަން ކޯޓަށް ހާޒިރުކުރުމުން 15 ދުވަހަށް ބަންދުކޮށްފައިވާ ކަމަށެވެ.