މެލޭޝިއާގައި ދިރިއުޅޭ ދިވެއްސެއް ގެއްލިގެން ހޯދަން ފަށައިފިއެވެ.

އަހުމަދު އުސައިދު އިބްރާހިމް (ސަންވޭ ޖިއޯ/މެލޭޝިއާ) ގެއްލިގެން ހޯދަން ފަށާފައިވަނީ އިއްޔެ(2މާރިޗް2025) ގައެވެ. ގެއްލިފައި ވަނީ އިއްޔެގެ 3:00 ގައި ކަމަށް މައުލޫމާތު ލިބިފައި ވެއެވެ.

މިކަމާއި ގުޅޭގޮތުން ފޮރިން މިނިސްޓްރީން ވިދާޅުވެފައިވަނީ  އެ މިނިސްޓްރީއަށް ދިވެއްސެއް ގެއްލިގެން އުޅޭ ކަމުގެ ޚަބަރު ލިބިފައި ވާ ކަމަށާއި، މެލޭޝިއާގައި ހުންނަ ދިވެހި ހައި ކޮމިޝަނުން ދަނީ މެލޭޝިއާގެ ކަމާއިބެހޭ ފަރާތްތަކާއި ގުޅިގެން އެފަރާތް ހޯދުމުގެ މަސައްކަތް ކުރަމުން ކަމަށެވެ.

"ދިވެއްސެއް ގެއްލިގެން އުޅޭ ކަމުގެ ޚަބަރު ވަނީ މިނިސްޓްރީއަށް ލިބިފަ. މެލޭޝިއާގައި ހުންނަ ދިވެހި ހައި ކޮމިޝަނުން ދަނީ މެލޭޝިއާގެ ކަމާބެހޭ ފަރާތްތަކާ ގުޅިގެން އެފަރާތް ހޯދަމުން." ޕޮރިން މިނިސްޓްރީ.