މ. ރަތްމަންދޫގެ ރައްޔިތުން ފ. ނިލަންދޫ އަށް ބަދަލު ކުރުމަށް އެދި ދެ ފަހަރު އެ ރަށު ކައުންސިލަށް ސިޓީ ފޮނުވި ކަމަށް ނިލަންދޫ ކައުންސިލުގެ ރައީސް ޢަލީ އަހްމަދު ވިދާޅުވެއްޖެ އެވެ.

ނިލަންދޫ ކައުންސިލު ރައީސް އަލީ އަހުމަދު "ކުރިއަށް މީޑިއާ" އަށް ވިދާޅުވީ، ނިލަންދޫ އާއި ރަތްމަންދޫގެ ސަގާފަތާއި އާދަކާދަތައް އެއް ގޮތް ކަމަށް ގަބޫލުކުރައްވާ ކަމަށެވެ.

ނިލަންދޫއަކީ ރައީސް ޑރ. މުހައްމަދު މުއިއްޒު، އާބަން ސެންޓަރުގެ ގޮތުގައި ތަރައްގީ ކުރުމަށް ނިންމާފައިވާ އެއް ރަށެވެ. ރަތްމަންދޫ ރައްޔިތުން އެ ރަށުގައި އާބާދުވެއްޖެނަމަ، އެ ރައްޔިތުންނަށް ގިނަ ފަސޭހަތަކެއް ލިބިގެންދާނެ ކަމަަށް ވެސް ވިދާޅުވި އެވެ.

މީގެއިތުރުން ނިލަންދޫގައި އެއާޕޯޓެއް ހެދުމާއި އިތުރު ތަރައްގީ ގެނައުމަށް ވެސް މި ސަރުކާރުން ނިންމާފައިވާތީ މުސްތަގުބަލުގައި ވެސް އެއީ ދިރިއުޅެން އެންމެ އުޖާލާ އެއް ރަށް ގޮތުގައި އޭނާ ސިފަކުރެއްވި އެވެ.