ލިޓްލް ޓައުން ބަލިކޮށް ޖަނަވަރީ ސްޕޯޓްސް ކުލަބުން ގަދަ 16 އަށް ދަތުރުކޮށްފިއެވެ.

މިރޭ ފެށި އީދު ބައިބަލާ ޗެލެންޖުގެ ހަތަރު ވަނަ މެޗު ޖަނަވަރީ ސްޕޯޓްސްއިން ލިޓްލް ޓައުންގެ މައްޗަށް ކުރި ހޯދީ ސީދާ 2 ގޭމުންނެވެ.

ދެ ޓީމުގެ ފަރާތުން ވެސް ވާދަވެރި ކުޅުމެއް ފެނުނު އެ މެޗުގެ ފުރަތަމަ ގޭމުގައި އެތެރެއިން ކުޅުނީ ލިޓްލް ޓައުންއިންނެވެ. ބޭރުން ވަނީ ޖަނަވަރީ ސްޕޯޓްސްއެވެ. އެ ގޭމު 6-5 ގެ ނަތީޖާއަކުން ކާމިޔާބުކުރީ ޖަނަވަރީ ސްޕޯޓްސްއިންނެވެ.

ދެވަނަ ގޭމުގައި ބޭރުން ޖަނަވަރީ ސްޕޯޓްސް އެރިއިރު އެތެރޭގައި އޮތް ލިޓްލް ޓައުން އިން ވަނީ ރަނގަޅު ކުޅުމެއް ދައްކައިފައެވެ. އެ ގޭމު 1-1 ގެ ނަތީޖާއަކުން އެއްވަރު ވެގެން ޖަނަވަރީ ސްޕޯޓްސް އިން ވަނީ ގަދަ ހިފުމަކަށް ގޮސް ގޭމުން މޮޅުވެފައެވެ.

އެ މެޗުން މޮޅުވެ ޖަނަވަރީ ސްޕޯޓްސް ކުލަބު ގަދަ 16 އަށް ދަތުރުކުރިއިރު، ލިޓްލް ޓައުން ވަނީ މުބާރާތުން ކަޓައިފައެއެވެ.

އީދު ބައިބަލާ ޗެލެންޖަކީ ކޮންމެ އަހަރެއްގެ ވެސް ފިތުރު އީދާ ދިމާކޮށް ބައިބަލާ އެސޯސިއޭޝަނުން އިންތިޒާމުކޮށްގެން ބާއްވާ މުބާރާތެކެވެ.