ކުޑަކުދިންގެ ކަރާމާތަށް އަރައިގަންނަން ފެށުމުން ދޭހަވަނީ އެމްޑީޕީގެ އަހްލާގު ނެތްކަން: އެމްޕީ އަފޫ

Kudakudhinge karaamaathah araigannan feshumun dheyhavanee MDP ge ahlaagu neiykan: MP Afoo

ކެނދިކުޅުދޫ ދާއިރާގެ މެންބަރު އަފޫ ހާމިދު -- ފޮޓޯ: ސޯޝަލް މީޑިއާ

ހަބަރު

އިދިކޮޅު އެމްޑީޕީން ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ކުޑަ ދަރިކަލުންގެ ކަރާމާތަށް އަރައިގަތުމުން ދޭހަވަނީ އެޕާޓީގެ އަހުލާގެއް ނެތްކަން ކަމަށް ކެނދިކުޅުދޫ ދާއިރާގެ މެންބަރު އަފޫ ހާމިދު ވިދާޅުވެއްޖެ އެވެ. 

އެކްސްގައި ޕޯސްޓުކުރައްވަމުން އަފޫ ވިދާޅުވީ، އެމްޑީޕީގެ ޕްލެޓްފޯމެއްގައި ހުރެ ކުޑަކުދިންގެ ކަރާމާތަށް އަރައިގަތުމުން ދޭހަވަނީ މިއަދު އެޕާޓީއަކީ ސިޔާސީ ގޮތުން އެއްވެސް އުރައްޕަތެއް ނެތް އަހުލާގެއް ނެތް "މުޑުދާރު ބައިގަނޑެއް"ކަން ކަމަށެވެ. 

ރައީސްގެ ދަރިކަލުން ވޭޕް ބޭނުންކުރާ ކަމަށް ބުނެ އެމްޑީޕީގެ މުޒާހަރާއެއްގެ ތެރޭގައި އެ ޕާޓީގެ މެންބަރު މަރިޔަމް ޒުބައިރު (މަންދީ) ދެއްކި ވާހަކަ ކުށްވެރިކޮށް ގިނަ ބަޔަކު އަންނަނީ އެޕާޓީއަށް ފާޑުކިޔަމުންނެވެ. 

މި މައްސަލަ ޖެންޑާ މިނިސްޓްރީ އަދި އެޑިއުކޭޝަން މިނިސްޓްރީ އާއި ސަރުކާރުގެ މުވައްސަސާތަކާއި އިސްވެރިން ކުށްވެރިކޮށްފައި ވަނިކޮށް، މިއަދު ރައީސުލްޖުމްހޫރިއްޔާގެ އާއިލާގެ ފަރާތުން ނޫސްވެރިންގެ ބައްދަލުވުމެއް ބާއްވައި، އެމަނިކުފާނުގެ އަންހެން ދަރިކަނބަލުންނާއި، ކުޑަޔަށް ތިއްބެވި ދެ ފިރިހެން ދަރިކަލުންނަށް ނިސްބަތްކޮށް ސޯޝަލް މީޑިއާ އަދި އެކި ޕްލެޓްފޯމްތަކުގައި ފުރައްސާރަކުރުން ކުށްވެރިކޮށް، ކަންބޮޑުވުން ފާޅުކޮށްފައި ވެއެވެ. 

ރައީސްގެ ދޮށީ ފިރިހެން ދަރިކަލުންނަކީ ވޭޕް ބޭނުންކުރާ ކުއްޖެއް ކަމަށާއި، މުޅި ގައުމުން ވޭޕް މަނާކޮށްފައި ވަނީ އެކަމުގެ ސަބަބުން ކަމަށް ބުނެ މަންދީ ވާހަކަ ދައްކާފައިވާތީ، އޭނާގެ މައްޗަށާއި، އިލެކްޝަން ކޮމިޝަނާއި އެޗްއާރުސީއެމުން އެކަމާ ދެކޮޅަށް ބަޔާން ނެރުމުން އެކަން ކުށްވެރިކުރި އެމްޑީޕީގެ ޗެއާޕާސަން އަދި އެމްޑީޕީގެ މައްޗަށް މަދަނީ ދައުވާ އުފުލުމަށް އެމަނިކުފާނުގެ އަނބިކަބަލުން ސާޖިދާ މުހައްމަދު ވަނީ ނިންމަވާފަ އެވެ. 

ރައީސްގެ އާއިލާގެ ފަރާތްޕުޅުން މިއަދު ނޫސްވެރިންގެ ބައްދަލުވުން ބޭއްވި ވަކީލު، ކުރީގެ ބަންޑާރަނައިބު އާޒިމާ ޝުކޫރު ވިދާޅުވީ، މި މައްސަލަ އިތުރަށް ދިރާސާ ކުރައްވަމުން ގެންދަވާކަމަށެވެ. އެހެން ކަމުން ދައުވާކުރާ ފަރާތްތަކުގެ ލިސްޓު އިތުރުވުން އެކަށީގެންވާކަމަށް ވިދާޅުވި އެވެ.  

ލިޔުން ޙިއްސާ ކުރައްވާ

0 ކޮމެންޓްސް, 0 ރިއެކްޝަންސް

Haha
Haha

0%

Love
Love

0%

Sad
Sad

0%

Like
Like

0%

Dislike
Dislike

0%

މަގުބޫލް ލިޔުންތައް

BREAKING: Rasdhoo gai kotari eh roave 2 meehaku fihijje

ރަސްދޫގައި ކޮޓަރިއެެއް ރޯވެ ދެ މީހަކު ފިހެއްޖެ

2

Neyvaa nulevigen aadheyskurumunves oxygen gulhainudhin, furaana ah nurakkave ventilatorah!

ނޭވާ ނުލެވިގެން އާދޭސްކުރުމުންވެސް އޮކްސިޖެން ގުޅައިނުދިން، ފުރާނައަށް ނުރައްކާވެ ވެއްޓިލޭޓަރަށް!

0

Fannuveri visnunthakaaeku ‘Kuriah’  launchkohfi

ފަންނުވެރި ވިސްނުންތަކާއެކު 'ކުރިއަށް' ލޯންޗުކޮށްފި

1

SR ge Bey; Amillavantha Music ge Baanee Akah

އެސްއާރުގެ ބޭ؛ އަމިއްލަވަންތަ މިއުޒިކްގެ ބާނީއަކަށް

0