ކޮޅުވެއްޓިއެއް ބަންޑުން ޖަހާލައި ހިނގި ނުރައްކާތެރި ހާދިސާގައި ގެއްލުނު ދެވަނަ މީހާ ވެސް މަރުވެފައި އޮއްވާ ފެނިއްޖެ އެވެ. 

ސިފައިން ބުނި ގޮތުގައި މަރުވެފައި އޮއްވާ ދެން ފެނުނީ އިންޑިއާއަށް ނިސްބަތްވާ މީހެކެވެ. އެއިން ގެއްލުނު އެކަކު އަދިވެސް ހޯދަމުންދާއިރު، އެއީ ސްރީލަންކާ މީހެކެވެ.

މި ހާދިސާގައި ތިން މީހަކު ގެއްލުނު އިރު އޭގެތެރޭގައި ހިމެނޭ ދިވެހި މީހާ މަރުވެފައި އޮއްވާ މިއަދު ހެނދުނު ވަނީ ފެނިފަ އެވެ.

ރީތިރަށް ރިސޯޓް ކައިރީ އޮންނަ ކ. އެރިޔަދޫއަށް ރޭ ދަތުރުކުރި 'އަލްމާކް-ފިޔަ' ކިޔާ 100 ފޫޓުގެ އެ ކޮޅުވެއްޓިން 7 މީހަކު ދަތުރުކުރިއިރު، އޭގެ ތެރެއިން އަދި ސަލާމަތް ކުރެވުނީ ހަތަރު މީހެއް ކަމަށެވެ.