ކޮޅުވެއްޓިއެއް ބަންޑުން ޖަހާލައި ހިނގި ނުރައްކާތެރި ހާދިސާއެއްގައި ދެ މީހަކު ގެއްލި އެކަކު މަރުވެއްޖެ އެވެ.

އެމްއެންޑީއެފުން ބުނީ ރީތިރަށް ރިސޯޓް ކައިރީ އޮންނަ ކ. އެރިޔަދޫއަށް ރޭ ދަތުރުކުރި 'އަލްމާކް-ފިޔަ' ކިޔާ 100 ފޫޓުގެ އެ ކޮޅުވެއްޓިން 7 މީހަކު ދަތުރުކުރި، އޭގެ ތެރެއިން އަދި ސަލާމަތް ކުރެވުނީ 4 މީހެއް ކަމަށެވެ.

އަދި އޭގެ ތެރެއިން 3 މީހަކު ގެއްލިގެން ހޯދަމުން ދަނިކޮށް އެކެއްގެ ހަށިގަނޑު ވަނީ ކަނޑު އަޑިން ފެނިފައިވާ ކަމަށް އެމްއެންޑީއެފުން ބުންޏެވެ.

ބަންޑުން ޖަހާލި ކޮޅުވެއްޓި އަޑިއަށް ގޮސްފައިވާއިރު، އެ ސަރަހައްދުގައި އެމްއެންޑީއެފްގެ ޑައިވަރުން އަންނަނީ ހަރަކާތްތެރިވަމުންނެވެ.