މާލޭގައި ހިންގި މަސްތުވާތަކެތީގެ އޮޕަރޭޝަނެއްގައި ތިން މީހަކު ހައްޔަރުކޮށްފިއެވެ.

ފުލުހުން ބުނީ މަސްތުވާތަކެތި ބޭނުންކޮށް ގެންގުޅެ އަދި އެތަކެތީގެ ވިޔަފާރިކުރާކަމަށް ކައުންޓާ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން އިއްޔެ މާލޭގައި ހިންގި އޮޕަރޭޝަންގައި މާފަންނުގައި ހުރި ގެއެއް ބަލައި ފާސްކޮށް 1.5 ކިލޯގެ މަސްތުވާތަކެތި ހޯދައިފައިވާ ކަމަށެވެ.

އެ މައްސަލައާ ގުޅިގެން ތިން މީހަކު ހައްޔަރުކޮށްފައިވާ ކަމަށްވެސް ފުލުހުން ބުންޏެވެ. އެއ ސ.މަރަދޫފޭދޫ / ނަސީމީގެ މުހައްމަދު ޝާނީޒް (46އ) އާއި، މ. ސައިރިއަސް މުހައްމަދު ތިބާގް (39އ)ގެ އިތުރުން ވ.ރަކީދޫ/ ޖަންބުގެ ފަރީދާ އަބްދުއްރަހްމާން (35އ) އެވެ. 

މި މައްސަލަ އާއި ގުޅިގެން ހައްޔަރުކުރި ތިން މީހުންގެ ބަންދާއިމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ފަރީދާއާ އާއި ތިބާގަށް 15 ދުވަސް ޖަހާފައިވާއިރު، ޝާނީޒަށް ޖަހާފައިވަނީ ފަސް ދުވަހުގެ މުއްދަތެއް ކަމަށް ފުލުހުން ބުންޏެވެ،