ސަރުކާރު ހިންގާ ޕާޓީ ޕީއެންސީގެ ފަރާތުން މާލޭގެ މޭޔަރު ކަމަށް ވާދަކުރައްވާ މޫސާ އަލީ ޖަލީލަކީ އެ މަނިކުފާނުގެ ޗޮއިސްއެއް ކަމަށް ރައީސް ޑރ. މުހައްމަދު މުއިއްޒު އިއްޔެ ވިދާޅުވެއްޖެ އެވެ.

ޕީއެންސީން ބޭއްވި ކެމްޕެއިންގެ ހަރަކާތުގައި ވާހަކަފުޅު ދައްކަވަމުން ރައީސް ވިދާޅުވީ މޭޔަރު ކަމަށް ނުކުންނެވުމަށް މޫސާ އަލީ ޖަލީލުގެ އަރިހުގައި އެދިވަޑައިގަތީ އެމަނިކުފާނު ކަމަށެވެ. 

އަދި ޖަލީލަކީ ސަރުކާރުން މާލޭގެ ރައްޔިތުންނަށް ވެފައިވާ ވައުދުތައް ފުއްދުމަށް އެއްބާރުލުން ދެއްވައިގެން ވަރަށް އަމާނާތްތެރިކަމާއި އިހުލާސްތެރިކަމާއި ހީވާގި ކަމާ އެކު މަސައްކަތް ކުރައްވާނެ ބޭފުޅެއް ކަމަށް ރައީސް ވިދާޅުވި އެވެ.

އެމަނިކުފާނު ވިދާޅުވީ ސަރުކާރުން ހިންގާ ރާވާ ކަންކަމަށް ހުރަސްތައް މެދުވެރިކޮށް، ރައްޔިތުންގެ މެދުގައި ހަމަނުޖެހުން އުފައްދާ ބަޔަކު އިންތިހާބު ކޮށްގެން ނުވާނެ ކަމަށާއި، ލޯކަލް ކައުންސިލް އިންތިހާބުގައި ސަރުކާރުގެ ކެންޑިޑޭޓުން ހޮވައިފިނަމަ ސަރުކާރުން ކުރަން ބޭނުންވާ ކަންކަން ކުރިއަށް ގެންދަން ވަރަށް ފަސޭހަވާނެ ކަމަށެވެ. 

ތަރައްގީ ރައްޔިތުންނާ ހަމައަށް ފޯރިޔަ ނުދީ ހިފަހައްޓާ ބަޔަކަށް ޖާގަ ނުދީ، ގައުމީ ވިސްނުމުގައި ޕީއެންސީގެ ކެންޑިޑޭޓުން ހޮވުމަށް އަތުކުރި އޮޅާލަން އެދޭ ކަމަށް ރައީސް އެދިވަޑައިގެންނެވި އެވެ.