އައިޓީބީ ފެއާގައި ރާއްޖޭގެ ފަތުރުވެރިކަމުގެ ކުރިމަގު ދައްކައިލައިފި

ITB Fair Gai Raajjeyge Fathuruveri kamuge Kurimagu Dhakkaalaifi

"އައިޓީބީ 2025"ގައި ރާއްޖޭގެ ފަތުރުވެރިކަމުގެ ކުރިމަގު ދައްކައިލައިފި - ފޮޓޯ: އެމްއެމްޕީއާރސީ

ހަބަރު

ވިޒިޓް މޯލްޑިވްސްއިން "އައިޓީބީ ބާލިން 2025" ގައި ހާއްސަ ސެމިނާއެއް ބާއްވައި ރާއްޖޭގެ ފަތުރުވެރިކަމުގެ ކުރިމަގު ދައްކައިލައިފިއެވެ. 

ސެމިނާ ބޭއްވީ މިދިޔަ އަންގާރަ ދުވަހު ހައިބްރިޑް ސްޓޫޑިއޯގައެވެ. "ދަ ނެކްސްޓް ޗެޕްޓާ އޮފް މޯލްޑިވްސް ޓުއަރިޒަމް-ބާލިން އެޑިޝަން" ގެ ނަމުގައި ބޭއްވުނު މި ސެމިނާގައި ފަތުރުވެރިކަމުގެ ސިނާއަތުގެ އިސްނެގުންތަކާއި، އިންވެސްޓްމެންޓަތައް އަދި ރާއްޖޭގެ ފަތުރުވެރިކަމުގެ އުޖާލާ ކުރިމަގާ ބެހޭ ގޮތުން މައުލޫމާތު ދީފައިވެއެވެ.

ސެމިނާ ހުށައަޅައިދެއްވީ އެމްއެމްޕީއާރްސީގެ ޗީފް އޮޕަރޭޓިންގް އޮފިސަރު (ސީއީއޯ) ސަބީހާ އަހުމަދެވެ. މިގޮތުން އާ މާކެޓް ސެގްމެންޓްތައް ހޯދުމަށާއި، ބުކިންތައް އިތުރުކޮށް އަދި ޓުއަރިޒަމް ދާއިރާ ކުރިއެރުވުމަށް ރާއްޖެއިން ގެންގުޅޭ ދެމެހެއްޓެނިވި ތަރައްގީގެ ސިޔާސަތުތައް ދެމެހެއްޓުމަށް ސަރުކާރާއި އިންޑަސްޓްރީތަކުން ކުރަމުން ގެންދާ މަސައްކަތްތަކުގެ މަށްޗަށް އެކަމަނާ އަލިއަޅުވައި ލެއްވިއެވެ.

 

 

މީގެ އިތުރުން ސެމިނާގައި ފަތުރުވެރި ވަޒީރު ތޯރިގު އިބްރާހިމް ވާހަކަފުު ދެއްކެވިއެވެ. ވަޒީރުގެ ވާހަކަފުޅުގައި ސަރުކާރުގެ ތަސައްވުރާއި، ސިޔާސަތުތަކާއި، 5 ޓީއެމްޕީގެ ސްޓްރެޓެޖީތައް ކިޔައިދެއްވިއެވެ. އަދި މީގެ އިތުރުން ފަތުރުވެރިކަން ފުޅާކުރުމާއި، "ޑެސްޓިނޭޝަން ޑިވަލޮޕް" ކުރާނެ ގޮތްތަކަށް ވެސް އަލި އަޅުވާލައްވައިފައިވެއެވެ.

ވަޒީރު ދެއްކެވި ވާހަކަފުޅުަގައި ފަތުރުވެރިކަމުގެ ސިނާއަތް ކުރިއެރުވުމަކީ މި ސަރުކާރުގެ ވައުދެއްކަން ފާހަގަކުރެއްވިއެވެ. އަދި މީގެ ކުރީގެ ސަރުކާރުތަކުގައި ވެސް ރާއްޖޭގެ ފަތުރުވެރިކަމުގެ ސިނާއަތް ކުރިއަރުވަން މަސައްކަތްތަކެއް ކުރައްވާފައި ހުރި ކަން ވެސް ފާހަގަ ކުރެއްވިއެވެ. އެކަމުގެ ނަތީޖާއަކީ މިއަދު ރާއްޖެ ޒިއާރަތްކުރާ ފަތުރުވެރިންނަކީ މީގެ 10 ވަރަކަށް އަހަރު ކުރިން ޒިޔާރަތް ކުރި މީހުންނާއި އެއްގޮތް ބައެއް ނޫންކަން ފާހަގަކުރެވޭ ކަމަށް ވަޒީރު ވިދާޅުވެފައިވެއެވެ.

ފަތުރުވެރިކަމުގެ ސިނާއަތަށް ފަހި އިންވެސްޓްމެންޓާއި އޮޕަރޭޓިން މާހައުލެއް ފަހިކޮށްދިނުމަކީ ސަރުކާރުން ވައުދުވެފައިވާކަމެއް..  މިއަދު އަޅުގަނޑުމުންގެ މެހެމާނުންނަކީ މީގެ 10ވަރަކަށް އަހަރު ކުރިން އަޅުގަނޑުމެނަށް ޒިޔާރަތްކުރި މީހުނާއި އެއްގޮތް ބައެއް ނޫންކަން އަޅުގަނޑުމެންނަށް ފާހަގަކުރެވޭ.. 

    ފަތުރުވެރި ވަޒީރު / ތޯރިގު އިބްރާހިމް

ވަޒީރު އިތުރަށް ވިދާޅުވެފައިވަނީ ޓެކްނޮލަޖީގެ ދާއިރާގައި އަންނަ ކުރިއެރުންތައް ހަމައެކަނި ބޭނުންކުރަންޖެހެނީ ހަރުދަނާކަން އިތުރު ކުރުމަށް ނޫން ކަމަށެވެ. އޭގެ ބަދަލުގައި ދެމެހެއްޓެނިވި،ވާދަވެރި އަދި މުސްތަޤްބަލަށް ތައްޔާރުވެފައިވާ ފަތުރުވެރިކަމުގެ ސިނާއަތެއް ބިނާ ކުރުމަށްކަމުގައެވެ. 

އަޅުގަނޑުމެން ޓެކްނޮލަޖީގައި އަންނަ ކުރިއެރުންތައް ބޭނުންކުރަންޖެހެނީ ހަމައެކަނި ހަރުދަނާކަން އިތުރު ކުރުމަށް އެކަންޏެއް ނޫން..އޭގަ ބަދަލުގައި އަޅުަގަނޑުމެން އެ ކުރިއެރުންތައް ބޭނުންކުރަންޖެހެނީ  ދެމެހެއްޓެނިވި، ވާދަވެރި އަދި މުސްތަގްބަލަށް ތައްޔާރު ފަތުރުވެރިކަމުގެ ސިނާއަތެއް ބިނާކުރުމަށް..

    ފަތުރުވެރި ވަޒީރު / ތޯރިގު އިބްރާހިމް

މީގެ އިތުރުން ރާއްޖޭގެ ފަތުރުވެރިކަމުގެ ދާއިރާގެ އެއް ބާނީ އަދި މަޓީގެ ވައިސް ޗެއަރމަން އަލްފާޟިލް ހުސައިން އަފީފްވެސް ވާހަކަފުޅު ދެއްކެވިއެވެ. އެމަނިކުފާނުގެ ވާހަކަފުޅުގައި ރާއްޖޭގެ ޓުއަރިޒަމްގެ އެކި ޕްރޮޑަކްޓްތައް ތަރައްގީކުރުމުގައި ތިމާވެއްޓާ ރައްޓެހި ގޮތްތައް ގެންގުޅުމާއި ފަތުރުވެރިކަމުގެ ޒަމާނީ ގޮތްތަކަށް ބަދަލުގެނައުމުގެ މުހިންމު ކަމަށް ބައްލަވައިލެއްވިއެވެ. މި ބަދަލުތައް ގެނައުމަށް ޕްރައިވެޓް ސެކްޓަރގެ ދައުރު ވަރަށް މުހިންމު ކަމަށް އަފީފް ފާހަގަ ކުރައްވާފައިވެއެވެ.

އެމްއެމްޕީއާރްސީގެ ސީއީއޯ އަދި މެނޭޖިން ޑިރެކްޓަރު އިބްރާހިމް ޝިއުރީ ވެސް ވާހަކަފުޅު ދައްކަވައިފައިވެ އެވެ. ގައުމީ ލަނޑުދަނޑިތަކާ އެއްގޮތްވާ ގޮތުގެމަތިން އެމްއެމްޕީއާރްސީގެ އިނީޝިއޭޓިވްތަކާއި، އާ ބާވަތްތަކުގެ ފަތުރުވެރިކަން ރާއްޖެއަށް ތައާރަފް ކުރުމަށް އެ އިދާރާއިން ކުރައްވަމުން ގެންދަވާ މަސައްކަތްތަކާއި ބެހޭގޮތުން ވާހަކަފުޅުދެއްކެވިއެވެ. 

ރާއްޖެއަކީ ޖެހިޖެހިގެން 5 އަހަރު ދުނިޔޭގެ "ލީޑިން ޑެސްޓިނޭޝަންގެ ގޮތުގައި އޮތް ގައުމު ކަމަށާއި އިތުރަށް މަސައްކަތް ކުރައްވަނީ އެ މަގާމު ދެމެހެއްޓުމަށް ކަމަށްވެސް ވަޒީރު ވިދާޅުވިއެވެ.

އިތުރަށް ހަރުދަނާ ކުރުމަށްޓަކައި "އިނޮވޭޝަން ސަސްޓެއިނަބިލިޓީ އަދި ކަލްޗަރަލް ފަތުރުވެރިކަން" ފުޅާކުރައްވާނެ ކަމަށާއި، އެ މަސައްކަތުން ރާއްޖެ އިތުރު ރީތި ނަންތައް ދުނިޔާގެ މައިދާނުގައި ހޯދާނެކަމަށްވެސް އިބްރާހިމް ޝިއުރީ ވިދާޅުވިއެވެ.

ރާއްޖެއަކީ ޖެހިޖެހިގެން ފަސް އަހަރު ދުނިޔާގެ ލީޑިން ޑެސްޓިނޭޝަން... އަޅުގަނޑުމެންގެ އަމާޒަކީ މި މަގާމު ދަމަހަށްޓައި، ރާއްޖޭގެ ފަތުރުވެރިކަން އިތުރަށް ހަރުދަނާ ކުރުން.. "އިނޮވޭޝަން ސަސްޓެއިނަބިލިޓީ އަދި ކަލްޗަރަލް  ފަތުރުވެރިކަން"ފުޅާކުރުމަށް އެމްއެމްޕީއާރްސީން ކުރާ މަސައްކަތުން ރާއްޖެ ދުނިޔާގެ މައިދާނުގައި އިތުރަށް ރީރި ނަން ހޯދާނެ.. 

އެމްއެމްޕީއާރުސީގެ މެނޭޖިން ޑިރެކްޓަރު / އިބްރާހިމް ޝިއުރީ

އެމްއެމްޕީއާރްސީގެ ޗެއާޕާސަން އަބްދުﷲ ގިޔާސް ރިޔާޒު ވެސް ވާހަކަފުޅު ދެއްކެވިއެވެ. ރާއްޖެއަށް ޒިޔާރަތްކުރާ ފަތުރުވެރިން ގިނަކުރުމަށް އެމީހުން ޝައުގުވެރިކުރުމަށްޓަކައި ގެންގުޅޭނެ ސިޔާސަތުގެ މަށްޗަށް އަލި އަޅުވާލެއްވެވިއެވެ.

މީގެ އިތުރުން އެމަނިކުފާނުގެ ވާހަކަފުޅުގައި ބައިނަލްއަގްވާމީ "ޓްރެވަލް އެންޑް ޓުއަރިޒަމް ލޭންޑްސްކޭޕް"ގައި ރާއްޖެ އިސްތިހާރު ކުރުމުގައި މީޑިއާގެ މަންދޫބުންގެ މުހިންމުކަމުގެ ދައުރުވެސް ފާހަގަކުރައްވާފައިވެއެވެ.

ސެމިނާގައި ރާއްޖޭގެ ގައުމީ އެއަރލައިން "މޯލްޑިވިއަން"އިން ރާއްޖެއާއި ޖަރުމަނު ވިލާތާ ދޭތެރޭގައި ސީދާ ދަތުރުތައް ފަށާނެކަމަށް އިއުލާން ކުރައްވާފައިވެއެވެ. އަދި އެކަމަށް ސެމިނާގެ ބައިވެރިންގެ ވަރަށް ބޮޑު ތަރުހީބެއްވެސް ލިބިފައެވެ. 

ރާއްޖެއާއި ޖަރުމަނު ވިލާތުގެ ދަތުރުތައް ފެށުމަކީ ދެގައުމުގެ ދޭތެރޭ އޮންނަ ސަގާފީ އަދި އިގްތިސާދީ ގުޅުންތައް އިތުރަށް ބަދަހިވެގެންދާނެ ކަމެކެވެ. އެގޮތުން ރާއްޖެއަށް އަންނަ ޖަރުމަނުވިލާތުގެ ފަތުރުވެރިންނަށް އިތުރު ލުއިފަސޭހަތަކެއް ލިބިގެން ދާނެއެވެ. ދަތުރުތަކަށް އޮތް ޑިމާންޑްވެސް އިތުރުވެގެން ދާނެއެވެ.

މީގެ އިތުރުން "ސޭވް ދަ ޑޭޓް" ގެ ނަމުގައި ދައުވަތެއް އަރުވާފައިވެއެވެ. އަދި ބައިވެރިވި އެއް ނޫސްވެރިޔަކަށް "ވޯލްޑް ލީޑިންގް ޑެސްޓިނޭޝަން" ދިވެހިރާއްޖޭގައި ޗުއްޓީއެއް ތަޖުރިބާކުރުމުގެ ފުރުސަތު ލިބޭ "ލަކީ ޑްރޯ" އެއްވެސް ބާއްވައިފައިވެއެވެ.

އެމްއެމްޕީއާރްސީން "އައިޓީބީ ބާލީން 2025" ގައި ބައިވެރިވާ ފަތުރުވެރިކަމުގެ ސިނާއަތުގައި ހަރަކާތްތެރިވާ 89 ކުންފުއްޏެއްގެ 200 މަންދޫބުންގެ ވަފުދެއް ބައިވެރިވިއެވެ.  އަދި ޓްރެވަލް ޓްރޭޑް ގެ ތަޖުރިބާކާރުންނާއި ޓުއަރ އޮޕަރޭޓަރުންނާއި ޓްރެވަލް އެޖެންސީތަކާއި، އެއަރލައިންތަކާއި، ހޮސްޕިޓާލިޓީ ޕާޓްނަރުންނާއި، އިންޓަރނޭޝަނަލް ޓްރެވަލް މީޑިއާ އަދި ބްލޮގަރުންވެސް ބައިވެރިވެފައިވެއެވެ.   

ލިޔުން ޙިއްސާ ކުރައްވާ

0 ކޮމެންޓްސް, 0 ރިއެކްޝަންސް

Haha
Haha

0%

Love
Love

0%

Sad
Sad

0%

Like
Like

0%

Dislike
Dislike

0%

މަގުބޫލް ލިޔުންތައް

BREAKING: Rasdhoo gai kotari eh roave 2 meehaku fihijje

ރަސްދޫގައި ކޮޓަރިއެެއް ރޯވެ ދެ މީހަކު ފިހެއްޖެ

2

Neyvaa nulevigen aadheyskurumunves oxygen gulhainudhin, furaana ah nurakkave ventilatorah!

ނޭވާ ނުލެވިގެން އާދޭސްކުރުމުންވެސް އޮކްސިޖެން ގުޅައިނުދިން، ފުރާނައަށް ނުރައްކާވެ ވެއްޓިލޭޓަރަށް!

0

Fannuveri visnunthakaaeku ‘Kuriah’  launchkohfi

ފަންނުވެރި ވިސްނުންތަކާއެކު 'ކުރިއަށް' ލޯންޗުކޮށްފި

1

SR ge Bey; Amillavantha Music ge Baanee Akah

އެސްއާރުގެ ބޭ؛ އަމިއްލަވަންތަ މިއުޒިކްގެ ބާނީއަކަށް

0