އީރާނުން މެދުއިރުމަތީގެ ގައުމުތަކަށް ދެމުންދާ ހަމަލާތައް ރައީސް ޑރ. މުހައްމަދު މުއިއްޒު ކުށްވެެރިކުރައްވައިފި އެވެ. 

ރައީސް އޮފީހުގައި މިއަދު ބޭއްވި ޕްރެސް ކޮންފަރެންސް ގައި ރައީސް މުއިއްޒު ވިދާޅުވީ ހަނގުރާމައާ ގުޅިގެން އަރަބި ގައުމުތަކުގެ ވެރިންނަށް ގުޅުއްވަމުންދާ ކަމަށެވެ. އެގޮތުން ރޭ ޔޫއޭއީގެ ރައީސްއާ ވާހަކަފުޅު ދައްކަވަމުންދާ ކަމަށެވެ. 

''އެ ބޭފުޅުންނާ އެކުގައި ތިބިކަން ވާނީ ދަންނަވާފައި'' ރައީސް މުއިއްޒު ވިދާޅުވީ މެންދުރު އިތުރު ގައުމުތަކުގެ ވެރިންނަނށް ގުޅަމުންދާނެ ކަމަށެވެ.

އަދި ރާއްޖޭގެ ރައްޔިތުން ތިބީ އެ ގައުމުތަކާއި އެކީގައިކަން ހާމަކުރައްވަމުންދާނެ ކަމަށްވެސް ރައީސް ވިދާޅުވި އެވެ. 

ރޭ  ޔޫއޭއީގެ ރައީސް ޝައިހް މުހައްމަދު ބިން ޒައިދު އާލް ނަހްޔާނާ ފޯނުން ގުޅުއްވައި ރައީސް މުއިއްޒު ވަނީ އީރާނުން ދިން ހަމަލާތަކަކީ ބަލައިގަނެވޭނެ ކަންކަމެއް ނޫންކަން ފާހަގަކުރައްވައި، އެކަން ހަރުކަށި އިބާރާތުން ކުށްވެރިކުރައްވާފަ އެވެ.

އަދި މި ދަނޑިވަޅުގައި ރާއްޖެ އޮތީ ޔޫއޭއީއާ އެކު ސާބިތުކަމާ އެކުކަން އެ މަނިކުފާނު ޔަގީންކޮށްދެއްވި އެވެ.