އިންޑިއާ އާއި ޕާކިސްތާނާ ދެމެދު ބަދަލުކުރެވެމުންދާ ހަމަލާތައް ހުއްޓާލުމަށް އިއުލާނުކުރުމުން ދިވެހި ރާއްޖެއިން އެކަމަށް މަރުހަބާ ކިޔައިފިއެވެ.

މި ހަމަލާ ބަދަލުކުރުންތަކަކީ ކަޝްމީރުގެ އިންޑިއާގެ ބާރުގެ ދަށުގައި އޮންނަ ޕަހަލްގަމްގައި ދިން ބަޑީގެ ހަމަލާތަކެއްގައި އާންމުންގެ ބަޔަކު މަރާލި ހާދިސާއާ ގުޅިގެން އިންޑިއާއިން ޕާކިސްތާނަށް ހަމަލާދޭން ފެށިއެވެ. އިންޑިއާއިން ބުނީ މިއީ ޓެރަރިސްޓުންނަށް އަމާޒުކުރި ހަމަލާތަކެއް ކަމަށެވެ. އެހެންނަމަވެސް ޕާކިސްތާނުން ބުނީ މަރުވީ އާންމު ރައްޔިތުން ކަމަށެވެ. ދެ ގައުމުގެ މެދުގައި ދެމުންދިޔަ ހަމަލާތައް އިއްޔެ ވަނީ ހުއްޓާލަން އެއްބަސްވެފައެވެ.

މިކަން ދެ ގައުމުން ވެސް އިއުލާނު ކުރީ އިއްޔެއެވެ.

ރާއްޖޭގެ ހާރިޖީ ވަޒީރު ޑރ.އަބްދުﷲ ހަލީލު ވަނީ ރޭގައި މިކަމަށް މަރުހަބާ ކިޔައި އެކްސްގައި ޕޯސްޓެއް ލިޔުއްވާފައެވެ. 

"އިންޑިއާ އާއި ޕާކިސްތާނުގެ މެދުގައި ވަގުތުން ހަނގުރާމަވެރި ހާލަތު ނިމުމަކަށް ގެނައުމަށް އިއުލާނުކުރި ކުރުމުން ރާއްޖޭގެ ފަރާތުން އަޅުގަނޑު މަރުޙަބާ ކިޔަން. ދެ ގައުމުގެ ވެރިން މައްސަލަ ހައްލުކުރަން ވާހަކަ ދައްކައިގެން ކުރިއަށް ދާން ނިންމީތީ އަދި މުޅި ސަރަހައްދަށް އަމާންކަން ގެނައުމަށް މަސައްކަތް ކުރާތީ އެ ބޭފުޅުންނަށް ޝުކުރު ދަންނަވަން." ހާރިޖީ ވަޒީރު ވިދާޅުވިއެވެ.

މި ހަމަލާތަކުގައި ދެ ގައުމުންވެސް ގިނަ އަދަދެއްގެ މީހުން މަރުވެފައިވާ ކަމަށް ރިޕޯޓުތަކުން ބުނެއެވެ.