ހިމެނޭ ހުޅުމާލެ ދެވަނަ ފިޔަވަހީގައި ތަރައްގީކޮށްފައިވާ ހިޔާ ފުލެޓުތަކުން ބަރާބަރަށް ކުލި ނުދައްކައިގެން އަރާފައިވާ ޖޫރިމަނާތައް ސަރުކާރުން މައާފުކޮށްދީފި އެވެ.

އެޗްޑީސީން ބުނީ ޖޫރިމަނާ މައާފުކޮށްފައިވާ ފުލެޓުތަކުގެ ވެރިންނަށް ސިޓީ ވެސް މިހާރު ފޮނުވާފައިވާނެ ކަމަށެވެ. އެކަމާ ގުޅޭ އިތުރު ތަފްސީލެއް އެޗްޑީސީން ހިއްސާއެއް ނުކުރެ އެވެ.

މީގެ ކުރިންވެސް ހިޔާ ފްލެތްޓަކުގެ ޖޫރިމަނާ ކުރީގެ ސަރުކާރުން މާފުކޮށްދީފައިވެ އެވެ.

ހުޅުމާލޭގައި ތަރައްގީކޮށްފައިވާ ސޯޝަލް ހައުސިން ޔުނިޓުގެ ތެރެއިން، ގަވާއިދުން ކުލި ދައްކަނީ އެންމެ 3،000 އެއްހާ ޔުނިޓުގެ ވެރިންނެވެ. ކުލީގެ ގޮތުގައި އެޗްޑީސީ އަށް ނުލިބިވާ ފައިސާގެ އަދަދު 700 މިލިއަން ރުފިޔާއަށް ވުރެ އިތުރެވެ.

އެ މައްސަލަ ބޮޑުވެ އެޗްޑީސީން ވަނީ ފުލެޓުތަކަށް ގަވާއިދުން ކުލި ނުދައްކާ މީހުންނަށް 3 މަހުން ނޯޓިސްއެއް ފޮނުވަން ވެސް ފަށައިފަ އެވެ. އަދި ކުލި ނުދައްކާ މީހުންގެ މައުލޫމާތު ކްރެޑިޓް ރޭޓިން ސިސްޓަމަށް އަރުވާ ލޯން ނުނެގޭ ގޮތަށް ހެދުމުގެ ފިޔަވަޅު އެޅުމަށް ވެސް ސަރުކާރުން ނިންމާފައިވެ އެވެ.