ސިނަމާލެ ބްރިޖުގައި މާލެ އިން ހުޅުމާލެއަށް ދާ ފަޅީގެ ކާރު ލޭނުގައި އޮތް ކާރެއްގައި، ފަހަތުން އައި އެހެން ކާރެއް ޖެހި ހިނގި އެކްސިޑެންޓެއްގައި ބަޔަކަށް ރޭ އަނިޔާވެއްޖެ އެވެ. 

މީޑިއާތަކަށް މިއަދު ފޮނުވި މެސެޖެއްގައި ފުލުހުން ބުނީ އެ އެކްސިޑެންޓު ހިނގަން މެދުވެރިވީ މާލެ އިން ހުޅުމާލެއަށް ދާ ފަޅީގައި ކާރު ލޭނުގައި މަޑުކޮށްގެން އޮތް ކާރެއްގައި ފަހަތުން އައި އެހެން ކާރެއް ޖެހި، ކާރު ސައިކަލު ލޭނަށް އެނބުރިގެން ކަމަށެވެ.

ފުލުހުން ބުނީ އެ ވަގުތު ސައިކަލު ލޭނުން ދުއްވާފައި ދިޔަ ހަތަރު ސައިކަލެއް ކާރުގައި ޖެހި އެކްސިޑެންޓުވި ކަމަށެވެ.  

ރޭ ދަންވަރު 12:24 ހާއިރު ހިނގި އެ އެކްސިޑެންޓުގައި އަނިޔާވި މީހުންނަށް ފަރުވާ ދެމުން އަންނަނީ އައިޖީއެމްއެޗާއި ހުޅުމާލޭ ހޮސްޕިޓަލުގަ އެވެ. 

އަނިޔާވެފައިވެގެން ހޮސްޕިޓަލަށް ގެންދިޔަ މީހުންގެ ތެރެއިން އުމުުރުން 31 އަހަރުގެ މީހާ އަށް ފަރުވާދެމުން އަންނަނީ އެމެޖެންސީގައި ރޫމްގަ އެވެ.

އޭގެ ތެރެއިން 23 އަހަރުގެ މީހާ އަށް ހުޅުމާލެ ހޮސްޕިޓަލުގައި ފަރުވާދެމުންދާއިރު އޭނާގެ ހާލު ސީރިއަސް އެއް ނޫނެވެ. ބާކީ ތިބި ދެ މީހުންނަށް ފަރުވާދިނުމަށް ފަހު މިހާރު ވަނީ ދޫކޮށްލާފަ އެވެ.