ރޯދަ މަހަށް ޚާއްސަކޮށް ބާއްވާ ކެއްކުމުގެ މުބާރާތެއް ހެރިޓޭޖް މިނިސްޓްރީން އިއުލާނުކޮށްފި އެވެ.

މިނިސްޓްރީން ކޮށްފައިވާ އިއުލާނެއްގައި ބުނީ ރޯދައަށް ހާއްސަކޮށް އެ މިނިސްޓްރީން ބާއްވަން ހަމަޖެހިފައިވާ ކެއްކުމުގެ މުބާރާތުގައި މި ހަފުތާގެ ބުދަ ދުވަހުގެ ކުރިން ބައިވެރިވެވޭނެ ކަމަށެވެ.

އެކަމަށް ހާއްސަ ޕޯޓަލެއް ވެސް ތައާރަފުކޮށްފައިވާއިރު، އެ މުބާރާތަށް އިންސާފުކުރަން ނިންމާފައިވަނީ އަންނަ ހޮނިހިރު ދުވަހު އެވެ.

މިނިސްޓްރީން އެ މުބާރާތުގައި ހެދޭނެ ބާވަތްތައް ހިމެނޭ ލިސްޓެއް ވެސް ނެރެފަ އެވެ. އެ ލިސްޓުގައި ހިމެނޭ ބަވާތްތަކަކީ: ހަވާދުގެ ބާވަތްތައް

އަސާރަ، މުރުއްބާ، ހެދިކާ، ސަޓަނި، މަސްހުނި،  ބޮނޑިބަތް، ކެއްކި ފަނި އަދި ކަނދި އެވެ

ކެއްކުމުގެ މުބާރާތާ ބެހޭ އިތުރު މައުލޫމާތު ހޯދުމަށް އެ މިނިސްޓްރީގެ އިވެންޓްސް އެންޑް އައުޓްރީޗް ސެކްޝަންގެ ނަމްބަރު 7699595 އަށް ގުޅުމަށް އެ މިނިސްޓްރީން ވަނީ އެދިފަ އެވެ.