ޓީމުގެ ހަރަދުތައް ފޫބައްދަން މެންޗެސަޓާ ޔުނައިޓެޑުން ސްޓޭޑިއަމް ޓިކެޓުގެ އަގު ބޮޑުކުރަން ނިންމައިފިއެވެ.

އަންނަ ސީޒަންގައި ޔުނައިޓެޑުގެ ސްޓޭޑިއަމް ޓިކެޓުގެ އަގު 5 ޕަސެންޓު ބޮޑުކުރުމަށް އެ ޓީމުން ވަނީ ނިންމައިފައެވެ.

ޓިކެޓުގެ އަގު ބޮޑުކުރަން ނިންމުމާ ގުޅިގެން އެ ޓީމުގެ ސަޕޯޓަރުން ވަނީ ސްޓޭޑިއޯލްޑް ޓްރެފޯޑް ކައިރީގައި ހިތްހަމަނުޖެހުން ވެސް ފާޅުކޮށްފައެވެ.

ޔުނައިޓެޑުން ޓިކެޓު އަގު ބޮޑުކުރި ނަމަވެސް އުމުރުން 16 އަހަރުން ދަށުގެ ކުދިންގެ ޓިކެޓު ކުރިން ވެސް ލިބޭ އަގަށް ލިބޭނެކަމަށް އެކުލަބުން ބުންޏެވެ.

އެ ކުލަބުން ޓިކެޓުގެ އަގު ބޮޑުކުރީ އެ ޓީމުގެ ސްޓޭޑިއަމް މަރާމާތުކުރުމަށް ބޮޑު ޕްރޮޖެކްޓެއް އިއުލާންކޮށްފައިވަނިކޮށެވެ. އެ ޓީމުން ވަނީ 2.6 ބިލިއަން ޑޮލަރުގެ މަރާމާތެއްކޮށް ސްޓޭޑިއަމް ޒަމާނީ ފެންވަރަށް ތަރައްގީކުރުމަށް ނިންމައިފައެވެ.