މެދުއިރުމަތީގައި ހިނގަމުންދާ ހަމަނުޖެހުންތަކާ ގުޅިގެން، ރައީސް ޑރ. މުހައްމަދު މުއިއްޒު، ވަޒީރުންގެ ހާއްސަ ކޮމިޓީއެއް އެކުލަވާލައްވައިފިއެވެ.

އެކަން ހާމަކުރައްވައި، މިރޭ އެކްސްގައި ކުރެއްވި ޕޯސްޓެއްގައި، ރައީސް އޮފީހުގެ ޗީފް ސްޕޯކްސްޕާސަން ހީނާ ވަލީދު ވިދާޅުވީ، މިއީ، މެދުއިރުމަތީގައި ހިނގާ ހަމަނުޖެހުންތަކުގެ ސަބަބުން ދިވެހި ރައްޔިތުންނަށް ކުރިމަތިވެދާނޭ ދަތިތަކާއި، ކުރިމަތިވާ ކަންކަން ހައްލުކުރެއްވުމަށް ގުޅިގެން ފިޔަވަޅުތައް އެޅުއްވުމުގެ މަގްސަދުގައި އެކުލަވާލެއްވި ކޮމިޓީއެއް ކަމަށެވެ.

މި ކޮމިޓީގައި ހިމެނިވަޑައިގަންނަވާ މެންބަރުންނަކީ:

1. ފޮރިން މިނިސްޓަރު، ޑރ. އަބްދުﷲ ހަލީލް (ކޮމިޓީގެ ޗެއާ)
2. ޑިފެންސް މިނިސްޓަރު މުހައްމަދު ޣައްސާން މައުމޫން
3. ފިނޭންސް މިނިސްޓަރު މޫސާ ޒަމީރު
4. އިކޮނޮމިކް މިނިސްޓަރު މުހައްމަދު ސައީދު
5. ޓްރާންސްޕޯޓް މިނިސްޓަރު މުހައްމަދު އަމީން
6. ހޯމް މިނިސްޓަރު އަލީ އިހްސާން
7. ޓޫރިޒަމް މިނިސްޓަރު ތާރިގު އިބްރާހީމް
8. ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު އަހްމަދު
9. އިސްލާމިކް މިނިސްޓަރު މުހައްމަދު ޝަހީމް އަލީ ސައީދު

އަދި އެ ވުޒާރާތަކުން، ކަމާގުޅޭ އެންމެހައި މައުލޫމާތު ރައްޔިތުންނާ ހިއްސާކުރައްވަމުން ގެންދަވާނޭ ކަމަށް، ހީނާ ވިދާޅުވި އެވެ.