ހުޅުމާލޭގައި ބިދޭސީންގެ އެކޮމެންޑޭޝަނެއް ބަލާ ފާސްކޮށް 8 ބިދޭސީއަކު އަތުލައިގެންފިއެވެ. 

އިމިގްރޭޝަނުން ބުނެފައިވަނީ ގަވައިދާ ހިލާފަށް އުޅެމުންދާ ބިދޭސީންގެ މައްސަލަ ހައްލުކުރުމަށް އެ އިދާރާއާއި ތަންފީޒީ އިދާރާތައް ގުޅިގެން ޓާސްކްފޯހެއް އުފައްދާފައިވާކަމަށެވެ. މި ޓާސްކްފޯހުން ގަވައިދާ ހިލާފަށް ދިރިއުޅޭ ބިދޭސީންގެ މައުލޫމާތު ލިބޭވަރަކަށް އެތަންތަން ބަލާ ފާސްކުރުކުގެ މަސައްކަތް ކުރަމުން އަންނަކަމަށްވެސް ބުނެފައިވެއެވެ.

ރާއްޖޭގައި ގަވައިދާ ހިލާފަށް އުޅެމުންދާ ބިދޭސީން ފޮނުވާލުމުގެ އިތުރުން، ގަވައިދުގެ ތެރެއަށް ވަންނަން ބޭނުންވާ ބިދޭސީންނަށް އެފުރުސަތުތައް އިމިގްރޭޝަނުން ފޯރުކޮށްދެމުން އަންނަކަމަށް އެ އިދާރާއިން ބުނެފައިވެއެވެ.  

ރާއްޖޭގައި ގަވައިދާ ހިލާފަށް އުޅޭ ބިދޭސީންނަށް ފިޔަވަޅު އެޅުމުގެ މަސައްކަތް މިދިޔަ އަހަރުން ފަށައިގެން އިމިގްރޭޝަނުން އަންނަނީ ކުރަމުންނެވެ. އެގޮތުން މިދިޔަ އަހަރު އެކަނިވެސް 5600 އަށްވުރެ ގިނަ ބިދޭސީން އެމީހުންގެ ގައުމަށް ފޮނުވާލައިފައިވެއެވެ.