މުހައްމަދު އަބްދުލްކަރީމް (ރުކުމާ) މޯލްޑިވްސް ގޭސްގެ ޑީއެމްޑީގެ މަގާމުން އިސްތިއުފާ ދެއްވައިފި އެވެ.

މިދިޔަ އަހަރުގެ ޖުލައި މަހުގެ ތެރޭގައި ގޭސްގެ ޑީއެމްޑީއަކަށް އައްޔަންކުރެއްވީ ރުކުމާ ވަނީ މި ސަރުކާރުގެ ވެމްކޯގެ ޑީއެމްޑީގެ މަގާމުގެ އިތުރުން ފެނަކައިގެ ޑީއެމްޑީގެ މަގާމު އަދާކޮށްފަ އެވެ. 

ގޭސްގެ ޑީއެމްޑީގެ މަގާމުން ރުކުމާ އިސްތިއުފާ ދެއްވި ސަބަބެއް އަދި މިހާތަނަށް އެނގިފައެއް ނުވެ އެވެ. އެނގިފައިވާ ގޮތުން ރުކުމާ އިސްތުއުޔފާ ދެއްވީ އެހެން ކުންފުންޏަކަށް ބަދަލުވާންށެވެ. 

ރުކުމާ މަގާމުން އިސްތިއުފާ ދީފައިވާއިރު ގޭސް ކުންފުންޏަށް ހިޔާނާތުގެ ތުހުމަތުތަކެއް ވަނީ ކުރެވިފައި އެވެ. އެގޮތުން އެ ކުންފުނިން ގޭސް ގަތުމަށް ފައިސާ ދެއްކި ނަމަވެސް ގޭސް ޝިޕްމަންޓެއް ނުލިބޭ މައްސަލައެއް މި ދޭތެރެއިން ފެންމަތިވި އެވެ.

އަދި އެ މައްސަލައިގެ ތަހުގީގުވެސް ކުރިއަށް އެބަދެ އެވެ.