ކުޑަހެންވޭރު ކަޓުވާލުމަށްފަހު ބީޖީ ނިއު ޖަނެރޭޝަން ގަދަ 16 އަށް ގޮސްފިއެވެ.

އީދު ބައިބަލާ ޗެމްޕިއަންޝިޕް 1446 ގެ ފަސް ވަނަ މެޗު ކުޑަ ހެންވޭރާ ވާދަކޮށް ބީޖީ ކުރިހޯދީ ގަދަ ހިފުމަކަށް ގޮސްގެންނެވެ

ބީޖީ އެތެރެއިން ފުރަތަމަ ގޭމު ކުޅެފައިވާއިރު، އެ ޓީމު މޮޅުވާން ދަނިކޮށް ފަހު ވަގުތު ކުޑަ ހެންވޭރުން ވަނީ 6-7 ގެ ނަތީޖާއަކުން ފުރަތަމަ ގޭމުން މޮޅުވެފައެވެ. 

ދެވަނަ ގޭމުގައި ބީޖީން ވަނީ ބޭރުން އަރައި ކުޑަހެންވޭރުގެ 8 ކުޅުންތެރިން ނުބައިކޮށްފައެވެ. ކުޑަހެންވޭރުން ވަނީ އެ ގޭމުގައި ބީޖީގެ 7 ކުޅުންތެރިން ނުބައިކޮށްފައެވެ.

އެ އާއެކު މެޗުގެ ނަތީޖާ ނެރުމަށް ޖެހުނީ ގަދަ ހިފުމަކަށް ދާށެވެ. އެ ގަދަހިފުން ކާމިޔާބުކޮށް ބީޖީ ނިއު ޖަނެރޭޝަނުން ވަނީ ގަދަ 16 އަށް ގޮސްފައެވެ.

އީދު ބައިބަލާ ޗެލެންޖަކީ ކޮންމެ އަހަރެއްގެ ވެސް ފިތުރު އީދާ ދިމާކޮށް ބައިބަލާ އެސޯސިއޭޝަނުން އިންތިޒާމުކޮށްގެން ބާއްވާ މުބާރާތެކެވެ.