ފުލުހަކު ކުއްޖަކަށް ޖިސްމާނީ ކުރި މައްސަލައެއް ބަލަން ފަށައިފި އެވެ. 

މީޑިއާތަކަށް ފޮނުވި މެސެޖެއްގައި ފުލުހުން ބުނީ، މިދިޔަ ހުކުރު ދުވަހުގެ ހަވީރުގެ ވަގުތެއްގައި ސައުތް ސެންޓްރަލް ރީޖަން ހިމެނޭ ރަށެއްގައި ފުޓްސަލް ދަނޑުގައި ކުޅެން އުޅުނު ކުދިންތަކެއްގެ މެދުގައި ޖެހުނު ހަމަނުޖެހުމެއް މައުލޫމާތު ލިބިނު ކަމަށެވެ. 

ފުލުހުން ބުނީ އެ މައުލޫމާތު ލިބުމާ ގުޅިގެން އެތަނުން ކުއްޖެއްގެ އާއިލީ މަސްލަހަތު އޮންނަ ފުލުހަކު އެހެން ކުއްޖަކަށް ޖިސްމާނީ އަނިޔާވެދާނެ ފަދަ އަމަލެއްކޮށް ބިރުދައްކާފައިވާ ކަމަށް ތުހުމަތު ކުރެވޭ މައްސަލައެއް ހޮނިހިރު ދުވަހު ރިޕޯޓްކޮށްފައިވާ ކަމަށެވެ. 

ފުލުހުން ބުނީ އެ މައްސަލައިގެ ޖިނާއި ފުލުހުްނ ތަހުގީގުކުރަމުންދާ ކަމަށެވެ. އަދި ފުލުހެއްގެ މައްޗަށް ތުހުމަތު ކުރެވޭ މައްސަލައަކަށްވުމާ އެކު އިދާރީ މައްސަލަ ޕްރޮފެޝަނަލް ސްޓޭންޑާޑްސް ކޮމާންޑުން ބަލަމުންދާ ކަމަށް ފުލުހުން ބުންޏެވެ.