މުވައްޒަފަކަށް ޖިންސީ ފުރައްސާރަ ކުރިކަމުގެ ތުހުމަތުގައި ބްރޯޑްކާސްޓިން ކޮމިޝަންގެ ކޮމިޝަންގެ ކުރީގެ ނައިބު ރައީސް މުހައްމަދު ފަޒީންގެ މައްޗަށް އިއްޔެ ދައުވާކޮށްފި އެވެ.

ޕްރޮސެކިއުޓާ ޖެނެރަލް (ޕީޖީ) އޮފީހުން ބުނީ ފަޒީންގެ މައްޗަށް ދެ ދައުވާއެއް ކޮށްފައިވާ ކަމަށެވެ. އެއީ ޖިންސީ ގޯނާކުރުން އަދި ގައިގައި އަތްލުމުގެ ދައުވާ އެވެ.

ފަޒީން މުވައްޒަފަކަށް ފުރައްސާރަކުރި މިދިޔަ އަހަރުގެ ކުރީކޮޅު ފެންމަތިވެ އޭނާ ވަކިކުރުމުގެ މަސައްކަތް މަޖިލީހުން ފަށާފައި ވަނިކޮށް މާޗް މަހު މަގާމުން އިސްތިއުފާ ދެއްވައިފަ އެވެ. 

އެ ތުހުމަތުތަކާ ގުޅިގެން ފަޒީންގެ ވަކީލު ބުނެފައިވވަނީ ތުހުމަތު ކުރެވޭ އެއްވެސް ހެއްކެއް އަދި ގަރީނާއެއް ވެސް ދެއްކިފައި ނުވާ ކަމަށެވެ.

ޖިންސީ ފުރައްސާރަ އަމާޒުވި ކަމަށް ބުނާ މުވައްޒަފު ބައެއް މީޑީއާތަކަށް މީގެ ކުރިން ކިޔައިދިން ގޮތުގައި ތަކުރާރުކޮށް އެކި ފަހަރުމަތިން އޮފީސް ތެރެއިން އޭނާއަށް ވަނީ ފަޒީންގެ ފަރާތުން ފުރައްސާރަ އަމާޒުވެފަ އެވެ.