ކުރީގެ ސަރުކާރުގައި ސެޓަލްމަންޓް ކޮމިޓީން މިހާރު ރައްޔިތުންގެ މަޖިލީހުގެ މެންބަރު ސައުދުﷲ ހިލްމީގެ ކުންފުންޏަށް ދިނީ ނަހަމަ ބަދަލެއް ކަމަށް ދެކެވޭ ވާހަކައަށް ސައުދުﷲ ރައްދު ދެއްވައިފި އެވެ.

މި މައްސަލާގައި މިދިޔަ ސަރުކާރުގެ އިކޮނޮމިކް މިނިސްޓަރު ފައްޔާޒު އިސްމާއިލް އެންޓި ކޮރަޕްޝަން ކޮމިޝަން (އޭސީސީ)އަށް އަންނަ ހޯމަ ދުވަހު ހާޒިރުވުމަށް އަންގައިފަ އެވެ.

ފައްޔާޒަށް ކުރާ ތުހުމަތުގެ ގޮތުގައި ޗިޓުގައިވަނީ "ކޮމިޓީގެ މެންބަރެއްގެ ހައިސިއްޔަތުން ފައްޔާޒުއަށް ލިބިފައިވާ ރަސްމީ ހައިސިއްޔަތު ނަހަމަ ގޮތުގައި ބޭނުންކޮށްގެން ސްވިފްޓްއަށް ލިބެން ނުޖެހޭ މަންފާއެއް ހޯދި" ކަމުގެ ތުހުމަތެވެ.

މި މައްސަލާގައި އެ ސަރުކާރުން ދިން ބަދަލުގެ ދިފާއުގައި ސައުދުﷲ ނުކުންނަވައި ދިގު ޕޯސްޓެއް ކުރެއްވި އެވެ.

ޕީޕީއެމްގެ ޓިކެޓްގައި 18ވަނަ މަޖިލީހަށް އިންތިހާބުވި ނަމަވެސް ފަހުން އެ ސަރުކާރާ ދެކޮޅަށް ނުކުންނެވި ސައުދުﷲގެ ސްވިފްޓް އިންޖިނިއަރިންއަށް ދީފައިވާ 6 މަޝްރޫއެއް އޭރުގެ ސަރުކާރުން އަތުލި އެވެ.

ސައުދުﷲ ފޭސްބުކްގައި ލިއުއްވީ އޭރުގެ ސަރުކާރުން އެ މަޝްރޫއުތައް އަތުލީ ގާނޫނާއި ގަވާއިދާ ހިލާފަށް ކަމަށެވެ. 

ދެން ކުރީގެ ސަރުކާރުގައި ކަން ހިނގި ގޮތް ލިއުއްވި އެވެ؛

• ސެޓަލްމަންޓް ކޮމިޓީއަށް ހާޒިރުވާން އެންގި
• ކޮމިޓީއަށް ހާޒިރުވެ ސައުދުﷲ ދެންނެވީ އަތުލި މަޝްރޫއުތަކުގެ ޖުމުލަ އަގަށް ފެތޭ ވަރަށް މަޝްރޫއުތަކެއް ދިނުމަށް
• ގެއްލުމުގެ ބަދަލުގައި ފައިސާ ބޭނުން ނުވާ ކަން ސައުދުﷲ ކޮމިޓީގައި ދެންނެވި
• އޭގެ ފަހުން ސައުދުﷲގެ ކުންފުންޏަށް ދިނީ ހަތަރު މަޝްރޫއުގެ އަގަށް ފެތޭ ވަރަށް 5 މަޝްރޫއު

އެހެންވެގެން ސައުދުﷲ ގަބޫލުކުރައްވާ ގޮތުގައި އޭރުގައި ބަދަލު ދިން ގޮތުން ދައުލަތަށް ވީ ފައިދާ އެވެ. އެއީ އޭނާ އަތުން އަތުލި ދެ މަޝްރޫއެއްގެ އަގަށް ފެތޭ ވަރަށް މަޝްރޫއެއް ވެސް އަދި ފައިސާއެއް ވެސް ނުދޭތީ އެވެ.

"ކޯޓަށް ދިޔަ ނަމަ އެއަށް ވުރެ މާ ބޮޑު އެއްޗެއް ސްވިފްޓްއަށް ދޭން ޖެހުނީސް,"