ރާއްޖޭގެ ތައުލީމު އެކްސްޕޯޓު ކުރުމުގެ މަސައްކަތްތައް އަންނަ އަހަރު ފެށޭނެ ކަމަށް ހަޔާ އެޑިޔުކޭޝަން މިނިސްޓަރު ޑރ. އަލީ ހައިދަރު ވިދާޅުވެއްޖެ އެވެ.

މިނިސްޓަރު އެހެން ވިދާޅުވީ އޮންލައިން ނޫސް ”ޖަވިޔަނި“ އަށް ދެއްވި އިންޓަވިއުއެއްގަ އެވެ. މިނިސްޓަރު ހައިދަރު ވިދާޅުވީ، ރާއްޖެއަށް ކިޔަވަން އަންނަ ބޭރުގެ ފަރާތްތަކަށް ކަންކަން ހަމަޖައްސައިދިމުގެ މަސައްކަތްތައް ކުރެވޭނެ ކަމަށެވެ.

އެކަން ކުރުމަށް ސްޓޫޑަންޓް ވިސާއެއް ތައާރަފުކުރާނެ ކަމަށް ހައިދަރު ވިދާޅުވި އެވެ. އަދި ރާއްޖޭގައި ތިބުމުގެ ކަންކަން ހަމަޖައްސައިދިނުމުގެ މަސައްކަތްތައް ކުރެވޭނެކަންވެސް މިނިސްޓަރު ފާހަގަކުރެއްވި އެވެ.

ހައިދަރު ވިދާޅުވި ގޮތުގައި ޔުނިވާސިޓީތަކާއި ކޮލެޖްތަކުގައި ބައެއް ގަޑިގަޑީގައި ހުސްޖާގަތައް އޮންނާނެ ކަމަށް ބެލެވޭ ކަމަށެވެ. އެހެންވުމުން ކަމރިސޯސަސް ބޭކާރުވާ ކަމެއްކަން ފާހަގަކުރި އެވެ.

ހައިދަރު ވިދާޅުވީ އެކަމަކީ ރާއްޖެއަށް އާމްދަނީވެސް އިތުރުކުރެވިދާނެ ކަމެއްކަމަށެވެ. އަދި އެކަން ދިރާސާތަކުން ދައްކާ ކަމަށާއި އެހެންކަމުން އަންނަ އަހަރު އެކްސްޕޯޓް އެޑިއުކޭޝަން ތައާރަފު ކުރަން ބޭނުންވާކަމަށް ވިދާޅުވި އެވެ.

އެކްސްޕޯޓް އެޑިއުކޭޝަންގެ ދަށުން ރާއްޖޭގައި ހުންނަ މަތީ ތައުލީމުދޭ ޔުނިވާސިޓީ އަދި ކޮލެޖްތަކުގައި ކިޔަވަން ބޭރުގެ ފަރާތްތަކަށް ހުޅުވާލުމަށް ސަރުކާރުން ނިންމާފައިވެ އެވެ.