އެންމެ ފަހުގެ ވޯލްޑްކަޕް ޗެމްޕިއަން އާޖެންޓީނާއިން އަންނަ އަހަރުގެ ވޯލްޑްކަޕްއިން ޖާގައެއް ކަށަވަރުކޮށްފިއެވެ.

އާޖެންޓީނާއަށް ވޯލްޑްކަޕް ޖާގައެއް ކަށަވަރުވީ ރޭ ދެކުނު އެމެރިކާގެ ވޯލްޑްކަޕް ކޮލިފައިންގައި އެ ގްރޫޕްގެ ދެވަނައިގައި އޮތް އުރުގުއާއި އާއި ބޮލިވިއާ ބައްދަލުކުރި މެޗު އެއްވަރުވެ އެ ޓީމު ތިންވަނައަށް ވެއްޓުމުންނެވެ.

އާޖެންޓީނާއަށް ވޯލްޑްކަޕްގެ ޖާގައެއްކަށަވަރުވީ އޭގެ އިރުކޮޅެއްފަހުން ބްރެޒިލްއާ ދެކޮޅަށް އާޖެންޓީނާ ބައްދަލުކުރަން ތައްޔާރުވެފައިވަނިކޮށެވެ. އެ މެޗު 4-1 ގެ ނަތީޖާއަކުން ކާމިޔާބުކުރީ އާޖެންޓީނާއިންނެވެ.  

އުރުގުއާއި އެއްވަރުވުމުން އެ ޓީމު ވަނީ ކުޅުނު 14 މެޗުން ލިބުނު 21 ޕޮއިންޓާއެކު ތިންވަނައަށް ވެއްޓިފައެވެ. އެހެންކަމުން ދެވަނައަށް އެކުއެޑޯ ޖެހިލީ  14 މެޗުން 23 ޕޮއިންޓު ލިބިގެންނެވެ. އާޖެންޓީނާގެ ރޭގެ މޮޅާއެކު އެ ޓީމު ވަނީ 14 މެޗުން 31 ޕޮއިންޓު ހޯދައިފައެވެ. 

ދެކުނު އެމެރިކާ ކޮލިފައިންގައި 10 ޓީމު ބައިވެރިވާއިރު ބައްރުން ވޯލްޑްކަޕަށް ސީދާ ކޮލިފައިވާނީ ހަ ޓީމެވެ. ހަތްވަނައަށްދާ ޓީމު ޖެހޭނީ ކޮލިފައިން މެޗެއް ކުޅެ ޖާގައެއްކަށަވަރުކުރާށެވެ.