އެންމެ 391 މީހުންނާ ސުވާލުކޮށް، ރައީސް ޑރ. މުހައްމަދު މުއިއްޒަށް ތާއީދު ބޮޑު ކަމަށް ސާވޭއަކުން ދައްކައިފި އެވެ. 

މިއީ ބާނި ސެންޓާ ނަމަކަށް ކިޔާ ގްރޫޕަކުން ހިންގާފައިވާ ސާވޭ އެވެ. އެ ސާވޭއަށް އެ ތަނުން ސުވާލުކޮށްފައި ވަނީ އެންމެ 391 މީހުންނާ އެވެ. 

ސާވޭގެ ނަތީޖާ ދައްކާ ގޮތުން 62 ޕަސެންޓް މީހުންނަށް ރައީސް މުއިއްޒުގެ ސަރުކާރަށް މީހުން ރުހޭ ކަމަށެވެ.

41 ޕަސެންޓަކީ ކޮންމެ ވެސް ވަރަކަށް ރައީސަށް ރުހޭ ކަމަށް ބުނި މީހުންނެވެ. 21 ޕަސެންޓަކީ ވަރަށް ބޮޑަށް ރުހޭ ކަމަށް ބުނި މީހުންނެވެ.

391 މީހުންނާ ސުވާލުކުރި އިރު އެއަށް ވުރެ މި ސަރުކާރުގެ ސިޔާސީ ވަޒީފާތައް ވެސް ގިނަ އެވެ. ސަރުކާރުން އެންމެ ފަހުން ބުނި ގޮތުގައި ސިޔާސީ މަގާމުތަކުގެ އަދަދު 900އަށް ވުރެ ގިނަ އެވެ. މި ސަރުކާރުގެ ވައުދަކީ ވެސް 700ގައި އެ އަދަދު ހިފެހެއްޓުމެވެ.