އީދުގައި އިސްކަން ދޭންވީ އިޖުތިމާއީ ރޫހާއި އެއްބައިވަންތަކަން އާލާކުރުމަށް ކަމަށާއި އީދަކީ އުފާވެރި ހަނދާންތަކަކުން ހިތްތަކުގައި ބިންވަޅު ނެގޭ ބަރަކާތްތެރި އިހްތިފާލަކަށް ހެދުމަށް ކަމަށް ރައީސް ޑރ. މުހައްމަދު މުއިއްޒު އެދިވަޑައިގެންފި އެވެ.

ރައީސް މުއިއްޒު މިހެން ވިދާޅުވީ މާދަމާއަކީ ބަރަކާތްތެރި އަޟްހާ އީދު ދުވަސް ކަމަށްވުމާ އެކު، ދުވަހުގެ ތަހުނިޔާ ފޮނުއްވަމުންނެވެ.

އެގޮތުން ރައީސް ފޮނުއްވި ތަހުނިޔާ ހިތޯބުގައި އެމަނިކުފާނު ވިދާޅުވެފައި ވަނީ ދޮށީ އުމުރުގައި ތިބި މައިންބަފައިން އުފާކޮށްދިނުމާއި އަވަށްޓެރިކަމުގެ ގުޅުންތައް ދެމެހެއްޓުމާއި ގާތްތިމާގެކަމާއި ރަހުމަތްތެރިކަން އިތުރަށް ބަދަހިކުރުމާއި ދަރިންނަށް ރިވެތި ނަމޫނާ އާއި ނަސޭހަތް ދިނުމަށް އިލްތިމާސް ކުރައްވާ ކަމަށެވެ.

"އަޅުގަނޑުމެން އިސްކަން ދޭންވާނީ، މިފަދަ ބަރަކާތްތެރި ކޮންމެ މޫސުމެއްގައި ވެސް އިޖުތިމާއީ ރޫހާއި އެއްބައިވަންތަކަން އާލާ ކުރުމަށެވެ،" ހައްޖުގެ މަތިވެރި އަޅުކަމުގައި ސައުދީ އަރަބިއްޔާގައި ހުންނަވައިގެން ރައީސް ދެއްވި ހިތޯބުގައި ވިދާޅުވި އެވެ.

"އަޅުގަނޑުމެން އިސްކަން ދޭންވާނީ، މިފަދަ ބަރަކާތްތެރި ކޮންމެ މޫސުމެއްގައި ވެސް އިޖުތިމާއީ ރޫހާއި އެއްބައިވަންތަކަން އާލާ ކުރުމަށެވެ" ހައްޖުގެ މަތިވެރި އަޅުކަން އަދާ ކުރެއްވުމަށް މައްކާގައި މިވަގުތު ހުންނަވައި ރައީސް މުއިއްޒު ވިދާޅުވި އެވެ.

މީގެ އިތުރުން ރައީސް ވިދާޅުވީ ޒަމާނުއްސުރެ ދިވެހިންނަށް ބޮޑު އީދަކީ މާތްކަމާއި ނިއުމަތުގެ ފޯވައްސެއް ކަމަށެވެ.