އްޖޭގެ މަޝްހޫރު ފިލްމު ޑައިރެކްޓަރު އަހުމަދު ނިމާލް މިއަދު ނިޔާވެއްޖެ އެވެ.

އުމުރުން 62 އަހަރުގެ ނިމާލް ނިޔާވީ މިއަދުގެ ހެނދުނުގެ ވަގުތެއްގައި އައިޖީއެމްއެޗްގަ އެވެ.

ސްޓްރޯކެއް ޖެހިގެން ނިމާލް އައިޖީއެމްއެޗުގައި އެޑްމިޓް ކުރީ މިދިޔަ ޑިސެމްބަރު 31 ވަނަ ދުވަހުގެ ރޭގަ އެވެ.  ނިމާލްގެ ހާލު ވަރަށް ބޮޑަށް ސީރިއަސްވެ، ފާއިތުވި ދެ މަސް ދުވަހު ފަރުވާދިނީ ވެންޓިލޭޓަރުގެ އެހީގަ އެވެ. 

ނިމާލް ރާއްޖެ އިިން ބޭރަށް ގެންދަން އާއިލާ އިން މަސައްކަތްކުރި އެވެ. އެކަމަކު ހާލު ސީރިއަސްކަމުން އެކަން ކާމިޔާބުވާ ގޮތެއް ނުވީ އެވެ.

ނިމާލް ފިލްމީ ދާއިރާއެއް ނުކުމެފައިވަނީ އީސާ ޝަރީފްގެ "ނުފޫޒު" ފިލްމުންނެވެ.

ނިމާލް ޑައިރެކްޓުކޮށް އަދި އިސް ރޯލެއް އަދާކުރި މަޝްހޫރު ފިލްމުތަކުގެ ތެރޭގައި "ޒަލްޒަލާ" "ޔޫސުފް" އަދި "ނިއުމާ" ހިމެނެ އެވެ.

ނިމާލް އަށް ވަނީ 1991 ވަނަ އަހަރު ހިތްވަރުދިނުމުގެ ގައުމީ އިނާމު ވެސް ލިބިފަ އެވެ.