ވޯލްޑް ޓޫރިޒަމް އެވޯޑުގައި ރާއްޖެ އަށް ބެސްޓް ބީޗް ޑެސްޓިނޭޝަންގެ އެވޯޑް ލިބިއްޖެ އެވެ.

މި އެވޯޑް ރާއްޖެއަށް އަރުވާފައިވަނީ މި އަހަރުގެ ވޯލްޑް ޓޫރިޒަމް އެވޯޑްސް ދިނުމަށްޓަކައި ބެލްޖިއަމްގެ ވެރިރަށް، ބްރަސަލްސްގައި މިއަދު ބޭއްވި ހަފުލާއެއްގަ އެވެ. 

ރައީސް ޑރ. މުހައްމަދު މުއިއްޒުގެ ފަރާތްޕުޅުން އެ އެވޯޑާ ހަވާލުވެވަޑައިގަތީ ކުރީގެ ރައީސް އަދި ރައީސް މުއިއްޒުގެ މިހާރު ސްޕެޝަލް އެންވޯއީ ޑރ. މުހައްމަދު ވަހީދު ހަސަން މަނިކެވެ.

މިއަހަރުގެ ގްލޯބަލް ޓޫރިޒަމް އެނުއަލް މީޓިންގެ ޝިއަރަކީ "ރީޑިފައިނިން ޓޫރިޒަމް އިން އަ ޗޭންޖިން ވޯލްޑް" މި ޝިއާރުގެ ދަށުންނެވެ. މި ހަފްލާގައި ދުނިޔޭގެ ޓޫރިޒަމްގެ ދާއިރާގައި ހަރަކާތްތެރިވާ ލީޑަރުންނާއި ސިޔާސަތު ކަނޑައަޅާ ފަރާތްތަކާއި ޓޫރިޒަމްގެ ސިނާއަތުގައި ހަރަކާތްތެރިވާ ފަރާތްތަކުން ބައިވެރިވި އެވެ.

ރައީސް އޮފީހުން ބުނީ ރާއްޖެއަކީ ކަނޑުފަޅާއި ގުދުރަތީ ދިރުންތައް ރައްކާތެރިކުރަން މަސައްކަތްކުރާ ގައުމެއް ކަމަށެވެ.