ރާއްޖޭގެ ފެކަލްޓީ އޮފް ޝަރީއާ އެންޑް ލޯ ފެކަލްޓީގެ ބާނީ އަދި މެލޭޝިއާގެ ޕްރޮފެސަރު ޑރ. އަބްދުލްމުހައިމިން ބިން ނޫރުއްދީން އަޔޫސް އަވަހާރަވެއްޖެ އެވެ.

ޑރ. އަބްދުލްމުހައިމިން މިއަދު އަވަހާރަވީ ޔުނިވަސިޓީ އޮފް މަލަޔާ މެޑިކަލް ސެންޓަރުގަ އެވެ.

ފެކަލްޓީ އޮފް ޝަރީއާގެ އެންމެ އިސް ވެރިއެއްގެ ގޮތުން އޭނާ ވަނީ ރާއްޖޭގެ ޝަރުއީ ދާއިރާގެ ތައުލީމުގައި މުހިއްމު ދައުރެއް އޭނާ އަދާކުރައްވާފައިވާއިރު އޭނާ އަކީ ރާއްޖޭގެ މޮޅެތި އެތައް ވަކީލުންގެ އެދުރެކެވެ.

ކުރީގެ ޕްރޮސެކިއުޓާ ޖެނެރަލް މުހުތާޒް މުހުސިން ވިދާޅުވި ގޮތުގައި ޑރ. އަބްދުލްމުހައިމިން ވަނީ ޖީލުތަކަށް ދެމިގެންދާ ގޮތަށް އެތައް ވަކީލުންނާއި ޖަޖުން ބިނާކުރެއްވުމުގައި އެހީތެރިވެދެއްވާފަ އެވެ.

އޭނާ ވިދާޅުވި ގޮތުގައި ޑރ. އަބްދުލްމުހައިމިންގެ ހަނދާން އެ ބޭފުޅުން ކުރަނީ، އޭނާގެ ވިސްނުންތެރިކަމާއި އަހުލާގާއި އިންސާފަށް ދެއްވި އަހައްމިއްޔަތުކަމާ ގުޅުވައިގެންނެވެ.