ދިވެހިން އެންމެ ގިނައިން ގޮސް އުޅޭ ގައުމު ކަމަށްވާ ތައިލެންޑުގެ ވެރިރަށް ބެންގްކޮކަށް މިއަދު މެންދުރުފަހު ބާރުގަދަ ބިންހެލުމެއް އަތުވެއްޖެއެވެ. 

ބެންގްކޮކަށް މިއަދު އައި ބިންހެލުން އައިސްފައިވަނީ މެންދުރުފަހު 13:30 ހާއިރު މިޔަމްމާގެ ސަގައިންއަށްކަމަށް އެގައުުގެ ރިޕޯޓުތަކުން ދައްކައެވެ. ބިންހެލުމުގެ ސަބަބުން ތައިލެންޑްގެ 30 ބުރީގެ ހަދަމުން އަންނަ އިމާރާތެއް ބިމާއި ހަމަވެ އެތައް ބަޔަކު އިމާރާތް ދަށުވެފައިވާކަމަށް އެ ގައުމުގެ ރިޕޯޓްތަކުން ދައްކައެވެ. 

މިހާތަނަށް މި ބިންހެލުމާއި ގުޅޭގޮތުން ލިބުނު މައުލޫމާތުގައި އިމާރާތުގައި ދަށުވެފައި މަދުވެގެން 40 މީހުން އެބަ ތިއްބެވެ. އަދި އެގައުމުގެ ކަމާއި ބެހޭ ފަރާތްތަކުން މިހާރު އަންނަނީ އިމާރާތުގެ ދަށުވެފައިވާ މީހުން ސަލާމަތްކުރުމުގެ މަސައްކަތް ކުރަމުން ކަމަށް ރިޕޯޓްތައް ބުނެއެވެ.

މި ބިންހެލުން އައިސްފައިވަނި ކަނޑުގެ 10ކިލޯ މީޓަރު އަޑިންނެވެ. އަދި އެމެރިކާގެ ޖިއޮލޮޖިކަލް ސާވޭ އަދި ޖަރުމަނުގެ ރީސާޗުން ބުނެފައިވަނީ މި ބިންހެލުން އައިސްފައިވަނި ރެކްޓަރު މިންގަނޑުން ގާތްގަނޑަކަށް 7.7 މެގްނިޓިއުޑްގެ ބާރުމިނުގައި ކަމަަަށެވެ. 

މި ބިންހެލުމުގެ އަސަރު ބެންގްކޮކްގެ އިތުރުން އިންޑިއާ، ބަންގްލަދޭޝް، ލާއޮސް އަދި ޗައިނާއަށްވެސް ކުރާނެކަމަށް ދިރާސާވެރިން ބުނެފައިވެއެވެ.