ދިރޭ ތަކެތީގެ ސިފާގައި މޮނިއުމެންޓޤ ބެހެއްޓުމަކީ ހަރާމްކަމެއް ކަމަށް ފަތުވާ މަޖިލީހުން ކަނޑައަޅައިފި އެވެ. 

ފަތުވާ މަޖިލީހުން އެ ފަދަ ފަތުވާ އެއް ނެރުނީ މޮނިއުމެންޓުގެ ގޮތުގަިއ ދިރޭތަކެތީގެ ސޫރަަ ބެހެއްޓުމުގެ ހުކުމް ސާފުކޮށް ދިނުމަށް އެދި އެ މަޖިލީހަށް ހުށަހެޅި ސުވާލަކާ ގުޅިގެންނެވެ. 

ފަތުވާ މަޖިލީހުން ބުނީ އިސްލާމްދީނުގައި ފުރާނަހުރި ތަކެތީގެ ސިފާގައި ހަދާފައިވާ ބުދު ނުވަތަ މޮނިއުމެންޓް ބެހެއްޓުން ހަރާމްކަމެއްކަން ދޭހަވަނީ ރަސޫލާ ﷺ މައްކާ ފަތަހަކުރެއްވި ދުވަހު ބުދުތައް ނައްތާލަން އެންގުމުން ކަމަށެވެ. 

އަދި އިލްމުވެރިންގެ އިޖުމާއުން ބުދު ބެހެއްޓުން ހަރާމްވެގެންވާ ކަމަށާއި، އެކަން މަނާކުރެވުނު ސަބަބުތަކުގެ ތެރޭގައި މަލާއިކަތުންގެ ބަރާކަތުން މަހުރޫމްވުން ހިމެނެ އެވެ.

ނަމަވެސް ކުޑަކުދިން ގެންގުޅޭ ބުދުތަކަކީ އިސްތިސްނާވާ އެއްޗެއް ކަމަށާއި އިލްމުވެރިން ދެކެވަޑައިގަންނަވާ ގޮތުގައި އަންހެންކުދިން ހަގު އުމުރުން ފެށިގެން ގޭތެރޭގެ ކަންކަމަށާއި ދަރިން ބެލެހެއްޓުން ތަމްރީނުކުރުމުގެ ގޮތުން ހުއްދަވެގެންވާ ކަމެއް ކަމަށް ފަތުވާ މަޖިލީހުން ބުންޏެވެ.