އްޔިތުންގެ މަޖިލީހުން ދައުރުން ބޭރުން މިހާރު ބާއްވާ ޖަލްސާތައް ގާނޫނާ ހިލާފު ކަމަށް ބުނެ އެ ޖަލްސާތައް ބޮއިކޮޓް ކުރުމަށް އިދިކޮޅު މައި ޕާޓީ އެމްޑީޕީގެ ޕާލިމެޓްރީ ގުރޫޕުން ނިންމައިފި އެވެ.

ގާނޫނޫ އަސާސީ އަށް އިސްލާހުތަކެއް ގެނައުމަށް އިއްޔެ ދައުރު ބޭރު ޖަލްސާއެއް ބާއްވާފައިވާއިރު މާދަމާ ވެސް އިތުރު ޖަލްސާއެއް ބާއްވަން ވަނީ ތާވަލުކޮށްފަ އެވެ.

ގަލޮޅު އުތުރު ދާއިރާގެ އެމްޑީޕީ މެންބަރު މުހައްމަދު އިބްރާހީމް (ކުޑޫޫ) އެކްސްގައި ކުރެއްވި ޕޯސްޓެއްގައި ވަނީ، މިހާރު މަޖިލީހުން ބާއްވާ ޖަލްސާތަކަކީ ގާނޫނު އަސާސީއާ ޚިލާފު ޖަލްސާތަކެއް ކަމަށެވެ. އަދި އެކަން އެމްޑީޕީގެ ޕާލިމެންޓަރީ ގްރޫޕުން ނިންމާފައިވާ ކަމަށް ކުޑޫ ވިދާޅުވި އެވެ.

''އެކަމާ ދެކޮޅަށް އިހުތިޖާޖު ކުރުމަށް ޖަލްސާތައް ބޮއިކޮޓް ކުރުމަށް ޕީޖީ ގުރޫޕުން ނިންމާފައިވޭ'' ކުޑޫ ވިދާޅުވި އެވެ. 

މެންބަރު ވިދާޅުވީ، މަޖިލީސް ޗުއްޓީގައި އޮއްވައި އެކަށީގެންވާ ނޯޓިސެއް ނުދީ ދައުރުން ބޭރު ޖަލްސާތައް ބާއްވަނީ، ގާނޫނު އަސާސީއަށް ގެންނަން އުޅޭ އިސްލާހުތައް އަވަހަށް ފާސްކުރުމަށް ކަމަށާއި އެއީ، ގާނޫނު އަސާސީގެ 83 ވަނަ މާއްދާއާއި 88 ވަނަ މާއްދާއާ ހިލާފު ކަމެއް ކަމަށެވެ. 

މަޖިލީހުގައި އެމްޑީޕީގެ 12 މެންބަރުން ތިއްބަވާއިރު ގާނޫނަށް އިސްލާހު ގެނައުމަށް މަޖިލީހުގެ ޖަލްސާތައް ބާއްވާތީ އެ ޕާޓީގެ މެންބަރުން ދަނީ ކަންބޮޑުވުން ފާޅުކުރަމުންނެވެ.