ސިވިލް ސާވަންޓުންނާއި ދައުލަތުގެ އެހެން އިދާރާތަކުގެ މުވައްޒަފުންގެ މުސާރަ އަށް ގެންނަ ބަދަލުތައް ފިނޭންސް މިނިސްޓްރީން އާއްމުކޮށްފި އެވެ.

8 ދާއިރާއެއްގައި މަސައްކަތްކުރާ މުވައްޒަފުންގެ މުސާރައަށް ގެންނަ ހާމަކޮށްފަ އެވެ. އޭގެ ތެރޭގައި ހިމެނެނީ، އެޑިއުކޭޝަނަލް ސާވިސް، ހެލްތު ސާވިސް، ބިޒްނަސް އެންޑް އެޑްމިނިސްޓްރޭޓިވް ސާވިސް، އިންފޮމޭޝަން އެންޑް ކޮމިއުނިކޭޝަންސް ޓެކްނޮލޮޖީ ސާވިސް، ލީގަލް، ކަލްޗާ އެންޑް ސޯޝަލް ސާވިސް، ޕްރޮޓެކްޓިވް ސާވިސް އަދި ސައިންސް އެންޑް ބިލްޓު އެންވަޔަރްމަންޓް ސާވިސް ސެކްރެޓޭރިއަލްގެ އިތުރުން ސްކިލްޑް އެންޑް އެލެމެންޓްރީ ސާވިސް އެވެ. 

މީގެ އިތުރުން ސިވިލް ސާވީސް ގައި މައްސަކަތް ކުރާ މުވައްޒަފުން ރަސްމީ ބަންދު ނޫން ދުވަސްތަކުގެ މަސައްކަތު ވަގުތުގައި މުވައްޒަފުންގެ އަމިއްލަ ކަންކަމުގައި އޮފީހުން ބޭރުގައި އުޅޭ ވަގުތު އުނިކުރުމަށްފަހު އަށް ގަޑިއިރު ހަމަވުމުން ނޫނީ އިތުރުގަޑީގެ އިނާޔަތް ނުލިބޭ ގޮތަށް ގެނައި އިސްލާހު ވަނީ އާއްމުކޮށްފި އެވެ.

ގެޒެޓުކުރި އިސްލާހުގައި ބުނާ ގޮތުން ދައުލަތުގެ މުވައްޒަފުންނަށް ދެން އިތުރު ގަޑީގެ އިނާޔަތް ލިބޭނީ ރަސްމީ މަސައްކަތުގައި 8 ގަޑިއިރު ހަމަކޮށް އޭގެ އިތުރުން ހޭދަ ކުރާ ވަގުތުތަކަށެވެ. އަމިއްލަ ކަންކަމުގައި އޮފީހުން ބޭރުގައި އުޅޭ ވަގުތު، 8 ގަޑިއިރު ގުނާއިރު ދެން ނުހިމަނާނެ ކަމަށް އިސްލާހުގައިވެ އެވެ.