ރާއްޖެ އަށް ވަގަށް އެތެރެކުރަން އުޅެނިކޮށް ޕްރީލް މަހު ކަސްޓަމްސް އިން ހިފެހެއްޓި 13.6 މިލިއަނަށް ވުރެ ގިނަ ސިނގިރެޓް އެމްޕީއެލް ހުޅުމާލެ ބަނދަރުގައި ބަހައްޓާފައި ހުއްޓާ ގެއްލުނު މައްސަލައިގެ ހައްޔަރުކުރި ހަތަރު މީހުން ތަހުގީގަށް ބަންދު ކޮށްފި އެވެ. 

ކްރިމިނަލް ކޯޓުން ބަންދުކޮށްފައި ވަނީ

- މއ. އެވާ ގްލޯރީ، އަހުމަދު އާރިފް - ލޮޓަސް ކުންފުނީގެ ވެރިޔާ (61އ) ބަންދަށް 15 ދުވަސް

-  ދިގަލި، ބ، އޭދަފުށި، މުހައްމަދު ވަހީދު- އެޕޯލޯގެ ވެރިޔާ (65އ) ބަންދަށް 10 ދުވަސް

- ހ. ނިއު ހެޕިންސް، މާލެ، މުއާޒު އަލީ (48އ) ބަންދަށް 5 ދުވަސް

- މެދުރީގެ، ހދ. ވައިކަރަދޫ، ޒިވާރު އިސްމާއިލް (40އ) ބަންދަށް 15 ދުވަސް

އެ މީހުންނަށް ތުހުމަތު ކުރެވެނީ މިދިޔަ އަހަރުގެ އޭޕްރީލް 26 ވަނަ ދުވަހުގެ ރޭ ރާއްޖެ އަށް ވަގަށް އެތެރެކުރި 40 ފޫޓުގެ ދެ ކޮންޓެއިނަރުގައި ހުރި ސިނގިރޭޓް ގެއްލުނު މައްސަލާގަ އެވެ.

ރާއްޖެ އަށް ވަގަށް 40 ފޫޓުގެ ދެ ކޮންޓެއިނަރު އެތެރެކުރި އެވެ. އޭ ގައި ހުރީ 1،360 ކޭސް ސިނގިރޭޓެވެ. އެއީ ޖުމްލަ 13.6 މިލިއަން ސިނގިރޭޓް ސްޓިކެވެ.