ޕީއެސްއެމް އިން ކުރިއަށް ގެންދާ ސިލޯނާއެކު ދިވެހިން ޓެލެތޯނަށް 800,352 ޑޮލަރު ލިބިއްޖެއެވެ.

ޕީއެސްއެމް އިން ބުނީ މި ޓެލެތޯނަށް 800,352 ޑޮލަރު ލިބިފައިވާ ކަމަށާއި އެއީ 12 މިލިއަން ޑޮލަރު ކަމަށެވެ. މި ފައިސާ މިހާރު ވަނީ ދިވެހި ފޮރިން މިނިސްޓްރީ އާ ހަވާލުކޮށްފައެވެ 

މި ފައިސާ ފޮރިން މިނިސްޓްރީ އާ ހަވާލުކުރި މިއަދު އެކަމަށް ހާއްސަކޮށް ކުރިއަށް ގެންދިޔަ ރަސްމިއްޔާތުގައެވެ. މި ރަސްމިއްޔާތުގައި އެ ފައިސާ އާއި ފޮރިން މިނިސްޓްރީގެ ފަރާތުން ހަވާލުވެ ވަޑައިގެންނެވީ މިނިސްޓަރު އަބްދުﷲ ހަލީލު އެވެ.

ޕީއެސްއެމް އިން މި ކުރިއަށް ގެންދިޔަ ސިލޯނާއެކު ދިވެހިން ޓެލެތޯނަކީ ތޫފާން ދިތްވާ އާއި ގުޅިގެން ހާލުގައި ޖެހިފައިވާ ލަންކާ ރައްޔިތުންނަށް އެހީވުމަށް ކުރިއަށް ގެންދިޔަ ޓެލެތޯނެކެވެ. މި ޓެލެތޯންގައި ސަރުކާރުގެ ވުޒާރާތަކާއި ކުންފުނިތަކުން ބައިވެރިވެފައިވެއެވެ.

މީގެ އިތުރުން ލަންކާ އަށް ދިވެހި ސަރުކާރުން ވަނީ 50,000 ޑޮލަރު، އަދި 336 ކޭސް މަސްދަޅު ފޯރުކޮށްދީފައެވެ.