އއ. ރަސްދޫގައި ފިހުނު ދެމީހުންގެ ތެރެއިން އަންހެން މީހާ މަރުވެއްޖެ އެވެ.

މި ކަން އާއިލާއިން ކަށަވަރުކޮށްދިނެވެ. 

މިރޭ އިރާކޮޅު މަރުވީ އައިޝަތު ރިފްގާ އެވެ. އޭނާގެ ފިރިމީހާ އަލީ ސާމިން ވެސް އެ ހާދިސާގައި ފިހުނެވެ.

މި މަހުގެ 24 ވަނަ ދުވަހުގެ ރޭ ރަސްދޫގެ ގެއެއްގެ ކޮޓަރީގައި ހިނގި ހާދިސާގައި ދެމީހުންގެ ހަށިގަނޑުގެ ބޮޑުބައެއް ފިހުނެވެ.

ރިފްގާގެ ހަށިގަނޑު 80 ޕަސެންޓް އަދި ސާމިންގެ ހަށިގަނޑުގެ 70 ޕަސެންޓް ފިހުނެވެ.

ހާދިސާ ހިނގި ދުވަހުގެ ރޭ ވަގުތުން މާލެ ގެނެސް އައިޖީއެމްއެޗްގައި ފަރުވާ ދޭން ފެށި އެވެ. އޭރު ވެސް ޑޮކްޓަރުން އުންމީދު ކަނޑާލި އެވެ.