ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ އާ ޓާމިނަލަށް ވަންނަން ދިޔަ ބޭންކް އޮފް މޯލްޑިވްސް (ބީއެމްއެލް) ގެ ދެ މުވައްޒަފެއްގެ އަތުން މޫނު ނިވާކޮށްގެން ތިބި ބަޔަކު ފައިސާތަކެއް ފޭރިގަނެފި އެވެ.

ފުލުހުން ބުނީ ވީއައިއޭގެ އާ ޓާމިނަލަށް ވަންނަން ދިޔަ ބޭންކެއްގެ ދެ މުވައްޒަފެއްގެ އަތުގައި ހުރި ފައިސާ ސޫޓް ކޭސް މޫނުނިވާ ކޮށްގެން ތިބި ބަޔަކު ފޭރިގަތް މައްސަލަ އެއް ރޭގެ 4:45 ހާއިރު ކަމަށް ރިޕޯޓްކޮށްފައިވާ ކަމަށެވެ.

ފޭރިގަތީ ކިހާ އަދަދެއްގެ ފައިސާއެއް ކަމެއް ފުލުހުން ނުބުނެ އެވެ.

މައުލޫމާތު އެނގޭ ބައެއް ފަރާތްތަކުން ބުނީ ޑޮލަރުތައް ހުރި ބްރީފް ކޭސް ޖަހައިގަތީ ދެ ޓާމިނަލު ދެމެދު އޮންނަ ވޯކްވޭ އިން ކަމަށެވެ. އަދި މުވައްޒަފުން އަތުން ފޭރިގަތީ 100،000 އަށްވުރެ ގިނަ ޑޮލަރު ކަމަށެވެ. 

އެނގިފައިވާ ގޮތުން އެކަން ހިނގި ވަގުތު އެ މީހުންނާއެކު ފުލުހުންގެ ސެކިއުރިޓީ ނެތެވެ.