ބީޖީ ނިއުޖަނެރޭޝަން ބަލިކޮށް ޓީއެފްޓީ ކުއާޓާ ފައިނަލަށް ދަތުރުކޮށްފިއެވެ.

އީދު ބައިބަލާ ޗެލެންޖުގެ ގަދަ 16 ގައި މިރޭ ބީޖީ ނިއު ޖަނެރޭޝަނާ މައްޗަށް ކުރި ހޯދީ ސީދާ 2 ގޭމުންނެވެ.

ދެ ޓީމުގެ ފަރާތުން ވެސް ވާދަވެރި ކުޅުމެއް ފެނުނު އެ މެޗުގެ ފުރަތަމަ ގޭމުގައި އެތެރެއިން ކުޅުނީ ޓީއެފްޓީއިންނެވެ. ބޭރުން ވަނީ ބީޖީ ނިއުޖަނެރޭޝަންއެވެ.. އެ ގޭމު 13-9 ގެ ނަތީޖާއަކުން ކާމިޔާބުކުރީ ޓީއެފްޓީއިންނެވެ.

ދެވަނަ ގޭމުގައި ބީޖީ އެތެރެއަަށް ވަދެ ވަނީ މޮޅު ކުޅުމެއް ދައްކައިފައެވެ. އެ ޓީމުން ވަނީ ބޭރުން އެރި ޓީއެފްޓީގެ 6 ކުޅުންތެރިން ނުބައިކޮށްފައެވެ. އަދި އެ ގޭމުގައި ޓީއެފްޓީއިން ވެސް ބީޖީ ނިއު ޖަނެރޭޝަންގެ 6 ކުޅުންތެރިންނެވެ.

އެ މެޗުން މޮޅުވެ ޓީއެފްޓީ ކުއާޓާ ފައިނަލްގެ ޖާގައެއް ކަށަވަރުކުރިިއިރު، ބީޖީ ނިއުޖަނެރޭޝަން ވަނީ މުބާރާތުން ކަޓައިފައެއެވެ.

އީދު ބައިބަލާ ޗެލެންޖަކީ ކޮންމެ އަހަރެއްގެ ވެސް ފިތުރު އީދާ ދިމާކޮށް ބައިބަލާ އެސޯސިއޭޝަނުން އިންތިޒާމުކޮށްގެން ބާއްވާ މުބާރާތެކެވެ.