އެފްއޭއެމްގެ ރައީސް ކަމުގައި ހުންނަވައިގެން ހިޔާނާތެއް ހިންގެވި ކަން ސާބިތުވެ ބައްސާމް އަދީލް ޖަލީލް ހަތަރު އަހަރަށް ޖަލަށް ލުމަށް ހުކުމް ކޮށްފި އެވެ.

ބައްސާމްގެ މައްޗަށް ހުކުމް މި ކުރީ، 2018ވަނަ އަހަރު އެފްއޭއެމްއަށް ލިބުނު ފައިސާގެ ތެރެއިން 10,000 ޑޮލަރު ބައްސާމްގެ އެކައުންޓަށް ޖަމާކޮށް އަމިއްލަ ވިޔަފާރީގައި އިންވެސްޓްކުރި ކަމަށް ތުހުމަތުކުރާ މައްސަލާގައެވެ. 

ބައްސާމްގެ މައްޗަށް ހިޔާނާތުގެ ކުށުގެ ދައުވާއާއި މަނީ ލޯންޑަރިންގެ ދައުވާ ވެސް މި މައްސަލާގައި އުފުލި އެވެ. މިއަދު ކޯޓުން ހުކުމްކުރީ ހިޔާނާތުގެ ކުށުގެ ދައުވާއަށް އެކަންޏެވެ. 

ހިޔާނާތުގެ ދައުވާ ސާބިތުވާތީ ދައުލަތުން އެދުނީ ގާނޫނުގައިވާ އެންމެ މަތީ އަދަބެއް ދިނުމަށެވެ. އެއީ މަތީ މަގާމުތަކުގައި ތިބެގެން ހިޔާނާތް ހިންގާ މައްސަލަތަކުގައި އެންމެ ފަހުން ކޯޓުން ނިންމާފައިވާ ނިންމުންތަކަށް ވެސް ރިއާޔަތްކޮށްފަ އެވެ. 

ކުށުގެ އަސާސީ އަދަބަކީ އެއް އަހަރާއި 7 މަހާއި 6 ދުވަހަށް ޖަލަށް ލުމެވެ. ނަމަވެސް މައްސަލަ ބެއްލެވި ގާޒީ ވެސް ނިންމެވީ ބައްސާމަށް ލޯބިވަޑަައިގަންނަވާ ކަމަށް ބޭންކަށް އަންގާފައިވާ އަދަދަށްވުރެ ގިނައިން ޑޮލަރުގެ މުއާމަލާތް ވެސް ކުރާކަން ފާހަގަވާތީ އެންމެ މަތީ އަދަބު ދިނުމަށެވެ.