ސްޕެއިންގެ ގަދަ ބާރު ބާސެލޯނާއިން ލިވަޕޫލްގެ ކުރިއަށް ކުޅޭ ލުއިސް ޑިއާޒް ގެނައުމުގެ މަސައްކަތް ފަށައިފިއެވެ.

ފުޓުބޯޅައިގެ އެންމެ އިތުބާރު ހިފޭ ނޫސްވެރިޔާ ފަބްރީޒިއޯ ރޮމާނޯ ބުނީ ބާސެލޯނާއިން ލުއިސް ޑިއާޒްއާއެކު ވާހަކަތައް ފަށައިފައިވާކަމަށެވެ.

ފަބްރީޒިއޯ ބުނީ ޑިއާޒް ވެސް ބާސެލޯނާއަށް ދާން ބޭނުންވެފައި ހުރިކަމަށާއި, އޭނާ ބާސެލޯނާގެ ހުށަހެޅުމަށް އާނބަސް ބުނެފައިވާކަމަށެވެ. ފަބްރީޒިއޯ ބުނީ ޑިއާޒް ބާސެލޯނާއަށް ކުޅުމަކީ އޭނާގެ ހުވަފެނެއްކަމަށެވެ

ޑިއާޒް އަކީ ލިވަޕޫލްގެ ކުރީގައި މުހިންމު ދައުރެއް އަދާކުރާ ކުޅުންތެރިއެކެވެ. އުމުރުން 28 އަހަރުގެ ޑިއާޒް ވަނީ ލިވަޕޫލްއަށް ކުޅެދިން 139 މެޗުގައި 37 ގޯލު ޖަހައި 18 އެސިސްޓު ހަދައިފައެވެ.

މި ސީޒަންގައި އޭނާ ވަނީ 41 މެޗު ލިވަޕޫލަށް ކުޅެދީ 13 ގޯލު ޖަހައިދީފައެވެ.