ބަނގުރާފުޅިތަކަކާއެކު ސްރީލަންކާ ދެމީހުން ހައްޔަރުކޮށްފިއެވެ.

ފުލުހުން ބުނީ މިރޭ ގާތްގަނޑަކަށް 21:55 ހާއިރު އެ އިދާރާއަށް މިކަމާ ގުޅޭގޮތުން މައުލޫމާތު ލިބިފައިވާކަމަށެވެ.

އެ އިދާރާއަށް ލިބުނު މައުލޫމާތާ ގުޅިގެން ހުޅުމާލޭގައި އޮޕަރޭޝަނެއް ހިންގައި ވެހިކަލެއް ބަލާ ފާސްކުރުމުގެ ތެރޭގައި ބަނގުރާކަމަށް ޝައްކު ކުރެވޭ އެއްޗެއްހުރި 54 ފުޅި ފެނިފައިވާ ކަމަށް ފުލުހުން ބުންޏެވެ.

މީގެ އިތުރުން މި މައްސަލައިގައި ހައްޔަރު ކޮށްފައިވަނީ ސްރީލަންކާއަށް ނިސްބަތްވާ ދެ މީހަކު ކަމަށް ފުލުހުން ބުންޏެވެ. އަދި ބަނގުރާ ފުޅިތައް ފެނުނު ވެހިކަލް މިހާރު ވަނީ ފުލުހުންގެ ބެލުމުގެ ދަށަށް ގެނެސްފައެވެ.

ފުލުހުން ބުނީ ހައްޔަރު ކުރެވުނު މީހުންގެ ވަނަވަރު ފަހުން ހިއްސާކުރާނެ ކަމަށެވެ.

މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.