ކުދި އަދި މެދު ފަންތީގެ ވިޔަފާރިތަކަށް ހާއްސަކޮށްގެން ދޭ ބިޒްނަސް ސެންޓަރ ކޯޕަރޭޝަންއިން ދޭ އެންމެ މަގުބޫލު އެމްއެސްއެމްއީ އެވޯޑް ބާބާ ގާޑިޔާ އަށް ލިބިއްޖެ އެވެ. 

އެ އެވޯޑަކީ ދެމެހެއްޓެނިވި ގޮތެއްގައި އިގްތިސާދު ކުރިއެރުވުމަށް ކުދި އަދި މެދުފަންތީގެ ވިޔަފާރިތަކުން ހޯދާފައިވާ ކާމިޔާބީތަކުގެ އަގު ވަޒަންކުރުމުގެ ގޮތުން ދޭ އެވޯޑެކެވެ. އަދި މި އެވޯޑަކީ އުފެއްދުންތެރިކަން އިތުރުކޮށް، ހުނަރު ތަރައްގީކޮށް، ރާއްޖޭގެ މަސައްކަތްތެރިންނާއި ވިޔަފާރިތައް ކުރިއެރުވުމުގެ މަގްސަދުގައި ދޭ އެވޯޑެކެވެ.

ބާބާ ގާޑިޔާ އަށް އެވޯޑް ލިބިފައިވަނީ އެފް އެންޑް ބީ ކެޓާގަރީންނެވެ. އެ އެވޯޑާ ހަވާލުވީ ބާބާ ގާޑިޔާގެ ވެރިޔާ އަހުމަދު އަތީގު އެވެ. 

ކޮވިޑް-19 ގެ ބަލިމަޑުކަމުގެ ތެރޭގައި ހަސަން އަތީގު ފެށި ފުޑް ޓްރަކަކީ ކޮލިޓީ ރަނގަޅު ކާނާ ފޯރުކޮށްދިނުމުގެ ގޮތުން އުފަންވި ޓްރަކެކެވެ. އޭރު އެ ވިޔަފާރި ފެށީ ގާޑިޔަލެއް ގޭދޮރުމަތީގައި ބާއްވައިގެން ވަރަށް އާދައިގެ ގޮތަކަށެވެ. އެކަން ފުޅާވެ މިހާރު އެ ޓްރަކަކީ ބެޓެރިން ދުއްވާ މޮބައިލް ބަދިގެއެކެވެ.

ބާބާ ސްޕެޝަލް ޝަވަރްމާ އާއި ފްރެޝް ބްރޫޑް ޗައި އަށް ހާއްސަވެފައިވާ ބާބާ ގާޑިއާ އަކީ މީހުންގެ މެދުގައި މަގުބޫލުކަން ހޯދާފައިވާ 'ބްރޭންޑެކެވެ'.